SHBA- Ish-Presidenti i Shteteve të Bashkuara të Amerikës Donald Trump ka dalë sërish këtë të hënë para Gjykatës së Nju Jorkut. Ish-shefi i Shtëpisë së Bardhë do të dëgjojë prokurorët se pse ata dyshojnë që fshehja e kryerjes së një pagese për një yll të pornografisë, gjatë fushatës presidenciale më 2016, nënkupton shkelje të ligjit. Ai u pa i qetë duke hyrë në Gjykatë, ndërsa jashtë godinës ishin mbledhur serish mbëhstetës të tij, me pankarta në duar.
Përpara se të hynte në Gjykatë, Donald Trump, dha një deklaratë për media ku e cilësonte ditën e sotme, si një ditë të trishtë për Shtetet e Bashkuara. Ai e cilësoi gjyqin si të padrejtë duke thënë se po tentohet që të ndërhyhet në zgjedhje.
"Është një ditë shumë, shumë e trishtuar në Amerikë”, tha Trump.
Donald Trump është ulur vetëm disa metra larg Colangelo ndërsa prokurori lexon pretendimet e tyre për një komplot kriminal. Ndonëse prej javësh ka kritikuar çështjen dhe prokurorët në rrjetet sociale, tashmë ai duhet të heshtë. Më vonë, avokatët e tij do të flasin për të. Trump është deklaruar i pafajshëm për të gjitha akuzat.
Kujtojmë se Trump u deklarua i pafajshëm vitin e kaluar për 34 akuza për falsifikimin e të dhënave të biznesit në çështjen e ngritur nga Prokurori i Qarkut të Manhattan, Alvin Bragg, një demokrat, në gjykatën e shtetit të Nju Jorkut. Ndonëse çështja konsiderohet nga disa ekspertë ligjorë si më pak pasoja nga katër ndjekjet penale me të cilat përballet, ajo është e vetmja e garantuar për të shkuar në gjyq përpara zgjedhjeve të 5 nëntorit. Nëse dënohet, Trump mund të mbajë ende detyrën, por sondazhi i Reuters/Ipsos tregon se një vendim fajësie mund të pengojë perspektivat e tij. Biznesmeni i kthyer në politikan, i cili shërbeu si president nga viti 2017 deri në vitin 2021, ka përdorur paraqitjet e kaluara në gjykatë për të mbledhur mbështetësit e tij dhe për të pretenduar se është në shënjestër të armiqve të tij politikë./ZËRI
