KOSOVË- Ambasadorët e vendeve të QUINT-it (Shtetet e Bashkuara të Amerikës, Britania e Madhe, Franca, Italia dhe Gjermania), së bashku me ambasadorin e Bashkimit Europian në Kosovë kanë takuar zëvendësavokatin e popullit, që vjen nga radhët e komunitetit serb, por kanë zhvilluar takime edhe me përfaqësues të këtij komuniteti.
Lajmi është bërë me dije nga ambasadori gjerman në Kosovë, Jorn Rohde, përmes një postimi në rrjetin social X. Rohde tha se përfaqësuesit e serbëve të Kosovës janë partnerë të besueshëm.
Quint and EU Ambassadors appreciated the opportunity to meet today with the Deputy Ombudsperson and representatives of the Kosovo Serb community – all of whom are trusted partners in our shared efforts to advance human rights and interethnic relations in Kosovo. pic.twitter.com/HtPfD9KBxx
— Ambassador Jörn Rohde (@GermanAmbKOS) February 16, 2024
“QUINT dhe ambasadorët e BE-së vlerësuan mundësinë për t’u takuar sot me zëvendësavokatin e popullit dhe përfaqësuesit e komunitetit serb të Kosovës – të cilët të gjithë janë partnerë të besueshëm në përpjekjet tona të përbashkëta për avancimin e të drejtave të njeriut dhe marrëdhënieve ndëretnike në Kosovë”, shkroi diplomati gjerman./ZËRI/
