UASHINGTON- Zëvendës presidentja demokrate Kamala Harris gjatë një interviste për CNN tha se erdhi koha që qytetarët amerikanë të “hapin një faqe të re” dhe pa Donald Trump.
Ajo akuzoi ish-presidentin Trump se po "përçan kombin" në intervistën e saj të parë të shumëpritur të plotë televizive pas nominimit për presidente.
Kandidatja demokrate tha se do të përmirësojë ekonominë, do të ulë taksat për shtresen e mesme, dhe pikë kryesorë të planit të saj ka energjinë e pastër.
"Ne mund të zhvillojmë një ekonomi të lulëzuar të bazuar në energjinë e pastër", tha nënpresidentja, megjithëse ajo ka kundërshtuar më parë teknikën, e cila ka qenë e diskutueshme në shtetin kyç të Pensilvanisë.
Në lidhje me emigracionin, një çështje e preferuar e Trump, kandidatja, 59 vjeçe, tha se do të kishte "pasoja" për njerëzit që hyjnë ilegalisht në SHBA nëse ajo zgjidhet presidente. “Mendoj se duhet të ketë pasoja. Ne kemi ligje që duhen respektuar dhe zbatuar”, tha ajo.
Zëvendës presidentja, e cila në të kaluarën ka shprehur qëndrime më progresive për këto dy çështje, siguroi se “vlerat e saj nuk kanë ndryshuar”.
"Unë kam besuar gjithmonë se ndryshimi i klimës është i vërtetë dhe kjo është një çështje urgjente dhe SHBA duhet të përmbushë qëllimet që ka vendosur për emetimet e gazeve serrë”, tha Harris.
Republikanët shpesh e akuzojnë zonjën Harris për përgojim.
Në çështjen tjetër delikate në skenën politike amerikane, ajo ripohoi mbështetjen e saj për të drejtën e Izraelit për të "mbrojtur veten", dhe konfirmoi se do të dërgojë armë në Izrael. Ajo vuri në dukje se "shumë palestinezë të pafajshëm janë vrarë" dhe përsëri bëri thirrje për "armëpushim”.
Sipas sondazheve, beteja mes Kamala Harris dhe Donald Trump do të jetë e ashpër, megjithëse zëvendëspresidentja duket se është në një pozicion më të mirë se ai në të cilin ishte presidenti Biden. Një sondazh i publikuar dje nga Ëall Street Journal e vendos atë përpara me një epërsi të shkurtër prej një pikë përqindjeje. /ZËRI
