SHBA-Të huajt që kërkojnë të përshtatin statusin e tyre të imigracionit në Shtetet e Bashkuara për të siguruar kartat e gjelbra do të duhet ta bëjnë këtë nga jashtë vendit nëpërmjet departamentit të shtetit, tha të premten Shërbimet e Shtetësisë dhe Imigracionit të SHBA-së (USCIS).
Aplikantët për Green Card, që kërkojnë qëndrim të përhershëm ligjor në SHBA nuk do të mund ta përfundojnë më procesin brenda territorit amerikan, përveç rasteve të jashtëzakonshme. Ata do të duhet të kthehen në vendet e tyre tëorigjinës për të vazhduar procedurat dhe për të aplikuar për vizën përkatëse nëpërmjet ambasadave ose konsullatave amerikane.
Procesi i kartës së gjelbër kishte mbetur i pandryshuar për më shumë se 60 vjet, duke shënuar lëvizjen e fundit të rëndësishme nga administrata Trump në politikën e imigracionit. Nuk është e qartë nëse aplikimet në pritje të kartës së gjelbër do të preken. Aktualisht ka më shumë se një milion emigrantë të ligjshëm që presin miratimin e aplikimeve të tyre për kartën e gjelbër për rregullimin e statusit, sipas drejtorit të studimeve të imigracionit në Institutin Cato për BBC.
Procesi për pajisjen me “Green Card” konsiderohet prej kohësh një nga procedurat më të ndërlikuara dhe më të gjata në sistemin amerikan të emigracionit, për shkak të verifikimeve të shumta, dokumentacionit të gjerë dhe kohës së gjatë të pritjes për shqyrtimin e aplikimeve. Shërbimet Amerikane të Shtetësisë dhe Imigracionit kanë bërë të ditur se përjashtime nga ky rregull do të lejohen vetëm në “raste të jashtëzakonshme”.
