AFGANISTAN- Një tjetër tërmet ka goditur Afganistanin perëndimor vetëm disa ditë pasi dy tërmete të mëdha në të njëjtin rajon vranë më shumë se 1000 njerëz.
Tërmeti i ri me magnitudë 6.3 goditi rreth orës 05:10 me orën lokale të mërkurën, 28 km (17 milje) në veri të qytetit të Heratit.
Më shumë se 100 u plagosën dhe u dërguan në spital, thanë zyrtarët shëndetësorë.
Dëmet ende nuk janë llogaritur, por shumë njerëz ishin duke fjetur në ambient të hapur pasi shtëpitë e tyre u shkatërruan të shtunën.
Agjencitë e ndihmës kanë thënë se ka gjithashtu mungesë të batanijeve, ushqimeve dhe furnizimeve të tjera.
Një dëshmitare okulare në Heratin qendror, ku ende qëndrojnë disa shtëpi, tha se ajo u zgjua duke bërtitur dhe doli me vrap nga shtëpia e saj.
“Isha në gjumin më të thellë sepse nuk kisha fjetur ditët më parë”, tha ajo për BBC.
“Nuk jam ndjerë kurrë kaq afër vdekjes”, tha ajo, duke shtuar se vrapoi zbathur në periferi të qytetit, ku shumë prej tyre kanë fjetur në çadra që nga tërmeti i parë.
Tërmeti i mëngjesit të së shtunës goditi Zindajan, një lagje rurale rreth 40 km larg Heratit.
Pamjet nga fshatrat tregojnë shtëpi të tëra, të cilat ishin shumë të brishta për t'i bërë ballë lëkundjeve, të kthyera në rrënoja.
Afganistani goditet shpesh nga tërmetet - veçanërisht në vargun malor Hindu Kush pasi shtrihet pranë kryqëzimit të pllakave tektonike euroaziatike dhe indiane./Zëri.ai
