SHBA- Ish-presidenti Donald Trump ka korrur një tjetër fitore. Trump arriti të siguronte shumicën e votave në Nevada, në përballjen me Ryan Binkley. Rezultatet fillestare të raportuara nga CNN treguan se ish-presidenti fitoi më shumë se 98% të votave.
Sa i takon rezultatit, Donald Trump tha: Nëse fitojmë këtë shtet, ne i fitojmë lehtësisht zgjedhjet në nëntor.
Sfiduesi i vetëm serioz i Donald Trump i mbetur në garë, ish-guvernatorja e Karolinës së Jugut, Nikki Haley, kishte zgjedhur të mos merrte pjesë në grupin parlamentar të Nevadës dhe në vend të kësaj të paraqitej në votimin parësor të shtetit. Ndalesa tjetër e Trump do të jetë Karolina e Jugut, ku ai do të shkojë sërish ballë për ballë kundër Nikki Haley.
Donald Trump deri më tani ka fituar garat në tre, Nevada, Iowa dhe New Hampshire, duke e bërë atë kandidatin e supozuar republikan në zgjedhjet e përgjithshme të nëntorit./ZËRI
