TAJLANDË- Ish-kryeministri i Tajlandës, Thaksin Shinawatra, ka mbërritur në rezidencën e tij në kryeqytetin Bangkok, pasi u lirua me kusht. Miliarderi u lirua një vit pasi u mbyll në burg për korrupsion dhe shpërdorim detyre. Thaksin, 74 vjeç, u arrestua sapo u kthye në Tajlandë gushtin e kaluar.
Ai nuk kaloi asnjë natë në burg pasi kishte probleme shëndetësore dhe u transferuanë sputalin e burgut. Dënimi fillestar prej tetë vjetësh i Thaksin-it u ndryshua në një vit nga mbreti i Tajlandës, vetëm disa ditë pasi ai u kthye në vendlindje. Trajtimi i çështjes ka çuar në kritika nga shumë tajlandez, të cilët thonë se të pasurve dhe të fuqishmit shpesh u jepet trajtim i privilegjuar.
"Tajlanda ka nevojë për një sistem demokratik ku sundimi i ligjit dhe sistemi i drejtësisë zbatohen në të njëjtën mënyrë për të gjithë, pa standarde të dyfishta... për njerëzit e privilegjuar,"- tha Partia e Tajlandës Lëviz Përpara, e cila fitoi shumicën e vendeve në zgjedhjet e fundit, por u bllokua nga qeveria.
"Shumë i sëmurë? Lirimi me kusht? Çfarë sëmundje?" tha senatori Somchai Sëangkarn.
Të dielën, Thaksin u pa duke u larguar nga spitali i burgut në kryeqytet, ku kishte kaluar gjashtë muajt e fundit.
“Urime kryeministrit Thaksin për kthimin në shtëpi në Chansongla këtë mëngjes”, postoi në mediat sociale këshilltari i qeverisë dhe ish-ministri i energjisë Pichai Naripthapan pas lirimit të tij.
“Shpresoj që ai të ketë shëndet të mirë dhe shumë lumturi dhe ngrohtësi nga familja e tij e dashur”, shtoi ai.
Autoritetet tajlandeze thanë se Thaksin kishte të drejtë për lirim me kusht për shkak të moshës dhe problemeve shëndetësore.
Thaksin, udhëheqësi më i suksesshëm i zgjedhur i Tajlandës, ka qenë prej kohësh i frikësuar nga royalistët konservatorë, të cilët kanë mbështetur grushtet e shtetit dhe çështjet gjyqësore të diskutueshme për ta dobësuar atë.
Ai u largua nga vendi në vitin 2008 pasi u rrëzua nga një grusht shteti dy vjet më parë. Vitet e mërgimit i kaloi kryesisht në Londër e Dubai.
Partia Pheu Thai e familjes së tij është aktualisht në pushtet në Tajlandë.
Thaksin ishte kryeministri i parë në historinë e Tajlandës që drejtoi një qeveri të zgjedhur përmes një mandati të plotë në detyrë në 2001-2006.
