BRITANI- Detaje të reja bëhen me dije në lidhje me gjendjen shëndetësore të Princeshës së Uellsit, Kate Middleton, në betejën e saj me kancerin. Duke cituar burime të afërta me Kate Middleton, Vanity Fair raporton se gruaja e Princit William, e cila po i nënshtrohet kimioterapisë parandaluese, e ka kaluar testin dhe po ndihet shumë më mirë.
“Është një lehtësim i madh, ajo ndihet më mirë”, shtoi miku i familjes së çiftit mbretëror, i cituar nga Vanity Fair, duke shtuar:
“Megjithatë, ka qenë një kohë shumë e vështirë dhe shqetësuese. Të gjithë kanë nxituar te Kate, William, motra dhe vëllai i saj”.
Sipas publikimit, informacioni që qarkulloi në 24 orët e mëparshme se Kate Middleton nuk do të dalë publikisht deri në fund të vitit, nuk është i vërtetë. Në të njëjtën kohë, megjithatë, nuk konfirmohen vlerësimet se ajo do të shfaqet sërish në publik në vjeshtë.
Siç raporton revista, nuk ka asnjë nxitim që Kate Middleton t'i rikthehet detyrave të saj pasi është plotësisht e fokusuar në trajtimin e saj.
“Nuk ka një orar dhe sigurisht që nuk ka nxitim. Kjo do të ndodhë kur Kate të ndihet gati dhe të marrë dritën jeshile nga ekipi i saj mjekësor. Por ajo do të kthehet 100% në detyrat e saj, nuk ka dyshim për këtë”, shtoi i njëjti burim./ZËRI
