Bota

Zjarr në një klub nate në Spanjë, së paku 11 të vdekur

Nuk është e qartë arsyeja pse ndërtesa ka marrë flakë, ndërsa autoritetet po hetojnë

D.XH
Zjarr në një klub nate në Spanjë, së paku 11 të
Klubi i natës merr flakë në Murcia

MURCIA - Të paktën 11 persona kanë vdekur nga zjarri në një klub nate në qytetin juglindor të Murcias, thonë autoritetet spanjolle.

Zjarri shpërtheu në klubin e natës popullor Teatre, në zonën e Atalayas, rreth orës 06:00 me orën lokale (04:00 GMT). Videoja e shpërndarë në internet tregon flakët që shpërthejnë mbi ndërtesë dhe tymin e dendur e të errët që del nga dritaret e saj të mëdha.

Shërbimet e urgjencës janë në kërkim të personave të zhdukur dhe që ndodheshin në lokal në momentet e zjarrit.

“Jemi të shkatërruar”, tha kryetari i bashkisë së Murcias, Jose Ballesta në kanalin televiziv spanjoll 24h, duke shtuar se ekipet e shpëtimit ishin ende në kërkim të disa personave të raportuar të zhdukur.

Bashkia ka dekretuar tre ditë zie në Murcia. Të afërmit po mbërrijnë në vendngjarje për të gjetur të dashurit e tyre, shtoi ai.

 

Shërbimet e urgjencës thanë se zjarrfikësit më në fund arritën të hynin në ndërtesë rreth orës 08:00 dhe zbuluan katër trupa të pajetë, pastaj dy të tjerë rreth 40 minuta më vonë.

Katër persona janë duke u trajtuar në spital për thithjen e tymit. Një vend lokal po përdoret për të ofruar këshillim për të lënduarit. Janë publikuar edhe pamje nga zjarri masiv që ka përfshirë ndërtesën.

Nuk është e qartë se çfarë e shkaktoi zjarrin, i cili shpërtheu kur klubi ishte plot me njerëz. Bashkia e Murcias tha se ndjente keqardhje të thellë për ngjarjen dhe shprehu ngushëllime për të vdekurit dhe të plagosurit./Zëri.ai/

ETIKETA spanje vdekur plagosur
Poll

TE NGJASHME

MOS HUMB