TIRANË- Ministrja e Turizmit dhe Mjedisit, Mirela Kumbaro, ka bërë me dije vendimet e marra në mbledhjen e qeverisë, ku janë ndryshuar 4 ligje në fushën e mjedisit. Kumbaro tha se tashmë do të vendosen gjoba më të ashpra për të gjithë persona që ndotin mjedisin.
Mirela Kumbaro: Miratuam disa vendime të rëndësishme. Ndryshimin e 4 ligjeve në fushën e mjedisit, ligjin për mbrojtjen e cilësisë së ajrit në mjedis, ligjin për mbrojtjen e mjedisiit, ligjin për mbrojtjen e biodiversitetit dhe ligjin për vlerësimin e ndikimit në mjedis. Ndërhyrja vjen si pasojë e disa situatave. Në radhë të parë i referohem rezultateve të Këshillimit kombëtar të bërë një vit më parë, ku pyetjes “a duhen ashpërsuar masat për mbrojtjen e mjedisit”, pjesëmarrësit ju përgjigjën me mbi 70 % “Po.”
Kjo bëri që ministria e Turizmit dhe Mjesidit të rishikonte gjithë paketën ligjore ku parashikoheshin prej vitesh masa administrative për kundravajtësit por edhe në respekt të parimit “ndotësi paguan”. Masat admninistrative, gjobat janë jo thjesht penalizimi dhe ndëshkimi, por edhe pjesë edukimi. Prandaj të gjitha masat ndëshkimore rriten me 30%.
