FOTO/ Kush është Enid Kasmi, pjesë e mafias shqiptare që u kap në Venezuelë
VENEZUELË- Perosni që shikoni në foto është Enid Kasmi, një prej shqiptarëve që u vunë në pranga në Venezuelë, pasi akuzohen se po përgatisnin sulme me bomba.
Ministri i Brendshëm, Drejtësisë dhe Paqes, Diosdado Cabellos tha se mes të ndaluarve në aeroport është një shtetas shqiptar që mbante me vete një pasaportë kolumbiane dhe dyshohet se kishte një urdhër arresti ndërkombëtar për trafik droge, i identifikuar si Enid Kasmi.
Ai raportoi gjithashtu se shqiptarit i ishin sekuestruar tre (3) telefona celularë dhe se kishte një rezervim në një hotel në Karakas.
“Ky burrë u kap me forcë nga oficerët tanë. Ai kishte një rezervim dhe pagesë në një hotel këtu në Karakas, të bërë nga Shtetet e Bashkuara. Ai mbante me vete një leje për armëmbajtje të lëshuar nga qeveria e Bogotas. Rastësisht, në Kolumbi, ata nuk dinë asgjë. Dhe nuk dinë asgjë sepse kolumbiani madje mban armë. Kur ky qytetar u kap, gjëja e parë që u përpoq të bënte ishte t’i afrohej tinëzisht, të blinte oficerët. Pastaj u bë shumë i dhunshëm dhe na u desh ta nënshtronim”, tha Cabellos.
Presidenti i Venezuelës, Nicolás Maduro ka akuzuar mafian shqiptare në Ekuador për një plan për të "sabotuar" zgjedhjet rajonale dhe legjislative që do të mbahen të dielën e ardhshme në vendin e Karaibeve. Në fjalën e mbajtur në mbledhjen që zhvilloi, Maduro tha se në total janë ndaluar 38 persona, pjesë të mafias shqiptare. Ai shpreh se ata kanë shkuar në Venezuelë me urdhër nga Ekuadori për të vendosur bomba dhe për të sabotuar zgjedhjet.
Mes grupit të të arrestuarve në Venezuelë, kush është shqiptari që ka dhe shtetësi kolumbiane
VENEZUELË- Enid Kasmi është një prej shqiptarëve që janë vënë në pranga në Venezuelë, pasi akuzohen se kanë tentuar të sabotojnë zgjedhjet që do të mbahen të dielën. Emrin e tij e përmendi Ministri i Brendshëm, Drejtësisë dhe Paqes, Diosdado Cabello, i cili tha se Kasmi mbante shtetësi kolumbiane dhe se sipas informacioneve të mbledhura nga pajisjet mobile që zotëronte, merrte pagesa nga Shtetet e Bashkuara për të kryer veprime destabilizuese dhe të dhunshme.
Këtë pasdite, Presidenti Nicolas Maduro deklaroi se shqiptarët ishin dërguar në Venezuelë me urdhër nga Ekuadori në mënyrë që të vendosnin bomba dhe të mund të bojkotohej mbajtja e zgjedhjeve. Ai raportoi se ka gjithsej 38 të ndaluar të rinj, përfshirë ekspertë të eksplozivëve, kojotë dhe mercenarë.
Denoncimi i Presidentit të Venezuelës: Mafia shqiptare erdhi të vinte bomba për të sabotuar zgjedhjet, morën urdhër nga Ekuadori
VENEZUELË- Presidenti i Venezuelës, Nicolás Maduro, i cili ka marrë mandatin e tretë në korrik të vitit që lamë pas ka akuzuar mafian shqiptare në Ekuador për një plan për të "sabotuar" zgjedhjet rajonale dhe legjislative që do të mbahen të dielën e ardhshme në vendin e Karaibeve. Në fjalën e mbajtur në mbledhjen që zhvilloi, Maduro tha se në total janë ndaluar 38 persona, pjesë të mafias shqiptare. Ai shpreh se ata kanë shkuar në Venezuelë me urdhër nga Ekuadori për të vendosur bomba dhe për të sabotuar zgjedhjet.
"Tani janë ndaluar 38 mercenarë të rinj. Mafia shqiptare që qeveris Ekuadorin dërgoi disa nga mercenarët e saj të trajnuar për të vendosur bomba në Venezuelë. Ata janë kapur. Mafia shqiptare. I kemi. Tre nga telefonat e tyre u sekuestruan dhe ata po flasin", tha presidenti në një takim me komandën e lartë ushtarake të transmetuar nga kanali shtetëror i Televizionit Venezuelan (VTV).
Maduro tregoi se mafia shqiptare dërgoi mercenarë të dyshuar në Venezuelë pas vizitës në Ekuador të biznesmenit amerikan dhe ish-oficerit ushtarak Erik Prince, themeluesit të kompanisë private Blackëater, tani të quajtur Academi, i cili i ofroi administratës së Daniel Noboas mundësinë për të ofruar trajnime sigurie për policinë dhe forcat e armatosura.
"Nëse Erik Prince është atje, perandoria amerikane është atje", tha presidenti venezuelian.
Maduro tha se përballë atyre që duan "dhunë, sabotim, shpërthime dhe plumba", votimi duhet të mbahet të dielën e ardhshme me "paqe, stabilitet dhe si shembull të sovranitetit kombëtar kundër mafies së drogës ekuadoriane, shqiptare, kolumbiane dhe imperialiste".
Këtë të hënë, Ministri i Brendshëm Diosdado Cabello denoncoi një plan “sulmesh” kundër ambasadave në vendin e Karaibeve, të cilat ai ia atribuoi “grupeve të vendosura për të gjeneruar dhunë” me qëllim “sabotimin” e zgjedhjeve rajonale dhe parlamentare.
Cabello tha se “ambasadat e akredituara në Venezuelë” ishin “objektivi kryesor për një sulm” me “eksplozivë”, me qëllim “arritjen e një lloj jehone ndërkombëtare”, e ndjekur nga komandat e policisë, spitalet, qendrat shëndetësore, stacionet e benzinës dhe nënstacionet elektrike.
Ai tha gjithashtu se një shtetas kolumbian me origjinë shqiptare u kap së fundmi që rezulton të jetë trafikant ndërkombëtar droge dhe se "rezervimi dhe pagesa e tij për një hotel" në Karakas ishte bërë nga Shtetet e Bashkuara.
Zyrtari vuri në dukje se pas kësaj qëndron udhëheqësja e opozitës, María Corina Machado, ndërsa "krahu operativ" është ish-komisioneri i Policisë Metropolitane të Karakasit, i cili është shfuqizuar, Iván Simonovis.
