Politico: Brukseli bën thirrje për drejtësi ndërsa ish-zëvendëskryeministrja shqiptare shmang arrestimin
TIRANË- Media ndërkombëtare “Politico” i ka bërë jehonë seancës së sotme plenare, ku Kuvendi 'vulosi' fatin e Ballukut, ku me 82 vota kundër të socialistëve e të PSD dhe 47 votat pro të opozitës, u rrëzua kërkesa e SPAK për arrestimin e ish-zv.kryeministres. Në artikullin e publikuar, thuhet se në votimin kundër heqjes së imunitetit, qeveria shkaktoi paralajmërime nga Brukseli në lidhje me implikimet për anëtarësimin e vendit në BE.
Parlamenti i Shqipërisë votoi të enjten kundër heqjes së imunitetit për ish-zëvendëskryeministren Belinda Balluku, e cila po përballet me akuza për korrupsion, duke shkaktuar paralajmërime nga Brukseli në lidhje me implikimet për anëtarësimin e vendit në BE. Kryeministri Edi Rama dhe Partia e tij Socialiste në pushtet e mbrojtën Ballukun, i cila është në shënjestër të arrestimit nga Prokuroria e Posaçme kundër Korrupsionit dhe Krimit të Organizuar të Shqipërisë për ndërhyrje në projekte infrastrukturore me vlerë mbi 200 milionë euro.
Balluku u shkarkua nga Rama në fund të shkurtit, si zëvendëskryeministre ashtu edhe si ministre e infrastrukturës dhe energjisë. Ajo mohon çdo shkelje.
“BE-ja i vëren rezultatet e votimit të sotëm në parlamentin shqiptar. Angazhimi ndaj sundimit të ligjit dhe lufta kundër korrupsionit janë me rëndësi të madhe për procesin e pranimit në BE”, tha një zëdhënës i Komisionit Evropian për POLITICO të enjten.
“Sigurimi i një mjedisi të favorshëm që SPAK të kryejë punën e tij në mënyrë efektive është thelbësor për të mbështetur në mënyrë të besueshme progresin e Shqipërisë drejt anëtarësimit në BE.”
Ambasadat e Gjermanisë, Mbretërisë së Bashkuar dhe Holandës reaguan gjithashtu ndaj votimit, duke i bërë jehonë Brukselit që bën thirrje që procesi gjyqësor të mos ndërhyhet.
Që Shqipëria të anëtarësohet në BE, “ndjekja efektive e korrupsionit, madje edhe në rastet e profilit të lartë, është një parakusht thelbësor”, tha ambasada e Gjermanisë në Tiranë në një deklaratë, duke i bërë thirrje qeverisë së Shqipërisë të respektojë sundimin e ligjit. “Është pritja jonë e qartë që gjyqësori do të jetë në gjendje t’i ndjekë penalisht këto raste shpejt dhe pa pengesa”, thuhej në deklaratë.
Rama u përgjigj me një deklaratë në X, duke thënë se “ne të gjithë pajtohemi 100% me parimet e shprehura”. Ai këmbënguli në rrugën e Shqipërisë drejt BE-së deri në vitin 2030 dhe se qeveria në Tiranë e mbështet plotësisht SPAK-un.
“Shumica qeverisëse sot bëri pikërisht atë që do të bënte çdo parlament demokratik në Evropë”, shkroi kryeministri. Ai argumentoi se miratimi i kërkesave të prokurorëve për të arrestuar një deputet duhet të jetë në përputhje me kushtetutën dhe nuk mund të trajtohet si “kalim i kufijve të Shengenit pa kontrolle”.
Paraardhësi i Ballukut, Arben Ahmetaj, kërkohet gjithashtu nga SPAK për akuza për korrupsion dhe pastrim parash. Ministria e Drejtësisë e Shqipërisë paraqiti një kërkesë për autoritetet zvicerane për ta ekstraduar atë në fund të vitit 2025. Kryetari i Bashkisë së Tiranës, Erion Veliaj, një tjetër anëtar i partisë së Ramës, është në paraburgim që nga arrestimi i tij në vitin 2025 për akuza të ngjashme./ZËRI
Balluku nuk 'iu dorëzua' SPAK/ 'Sytë' e ndërkombëtarëve nga Shqipëria: Luftoni korrupsionin. Rama: Dakord!
TIRANË-Vëmendja e vendeve europiane dhe jo vetëm u kthye sot nga Kuvendi i Shqipërisë ku pritej t'i hapej rrugë ose jo arrestimit të deputetes Belinda Balluku me kërkesë të Prokurorisë së Posaçme. Pas rreth një ore Parlamenti 'vulosi' fatin e Ballukut, ku me 82 vota kundër të socialistëve e të PSD dhe 47 votat pro të opozitës, u rrëzua kërkesa e SPAK për arrestimin e ish-zv.kryeministres. Ky vendim pasoi një mori reagimesh nga Bashkimi Europian, Komisioni Europian dhe Ambasadat e huaja në vendin tonë nga ajo Britanike tek Holandezja.
Por si u pa ky votim nga 'sytë' e ndërkombëtarëve?
Ambasadat kanë shprehur mbështetje lidhur me integrimin e Shqipërisë në Bashkimin Europian, por theksojnë njëzëri se prioritet drejt Europës është lufta kundër korrupsionit përfshirë edhe në nivelet më të larta. Komisioni Europian nga ana tjetër ka kërkuar angazhim dhe garantimin e kushteve që Struktura e Posaçme Kundër Korrupsionit dhe Krimit të Organizuar (SPAK) të kryejë punën e saj në mënyrë efektive dhe sa më shpejt. Edhe Bashkimi Europian në të njëjtë linjë duke mbajtur shënim edhe votimin në Kuvendin shqiptar, thekson se lufta kundër korrupsionit ka një rëndësi thelbësore për procesin e anëtarësimit.
REAGIMET:
Ambasada e Mbretërisë së Bashkuar: Ambasada Britanike thekson rëndësinë e ruajtjes së sundimit të ligjit dhe pavarësisë gjyqësore, dhe njeh progresin e Shqipërisë në reformën gjyqësore që nga viti 2016, përfshirë krijimin e SPAK-ut. Ekzekutivi, Gjyqësori dhe Legjislativi mbeten partnerë të barabartë në mbështetjen e këtij progresi si pjesë e qëllimit të Shqipërisë për arritjen e anëtarësimit në BE. Ndërsa imuniteti parlamentar duhet të mbrojë proceset demokratike, ai nuk duhet të jetë pengesë për llogaridhënie të barabartë para ligjit.
Ambasada Gjermane: Lidhur me vendimin e sotëm të Parlamentit shqiptar rreth heqjes së imunitetit Ambasada Gjermane deklaron: Gjermania mbështet procesin e integrimit të Shqipërisë në Bashkimin Evropian në përputhje me dëshirën e shqiptarëve. Kusht i domosdoshëm për të bërë progres në këtë proces të bazuar në merita është ndjekja penale me efektivitet e korrupsionit edhe në raste të rangut të lartë. Pritshmëria jonë e qartë është që edhe në këto raste ndjekja penale përmes drejtësisë të mund të realizohet shpejt dhe pa pengesa. Prej politikës shqiptare vazhdon të kërkohet ende që ta garantojë këtë proces.
Ambasada Holandeze: Lidhur me vendimin e sotëm të Parlamentit të Shqipërisë në lidhje me heqjen e imunitetit, Ambasada e Mbretërisë së Holandës në Shqipëri deklaron: Holanda mbështet integrimin e Shqipërisë në Bashkimin Evropian, në përputhje me dëshirat e popullit shqiptar. Një kërkesë kyçe për përparimin në këtë proces të bazuar në meritë është ndjekja efektive penale e korrupsionit, përfshirë edhe në nivelet më të larta. Ne presim qartë që, në raste të tilla, sistemi i drejtësisë do të jetë në gjendje të vazhdojë shpejt dhe pa pengesa. Politika shqiptare mbetet përgjegjëse për sigurimin e këtij procesi.
Ambasada e Suedisë: Suedia mbështet integrimin e Shqipërisë në Bashkimin Evropian, në përputhje me dëshirat e popullit shqiptar. Një kërkesë kyçe për përparimin në këtë proces të bazuar në meritë është ndjekja efektive penale e korrupsionit, përfshirë edhe në nivelet më të larta. Ne presim qartë që, në raste të tilla, sistemi i drejtësisë do të jetë në gjendje të vazhdojë shpejt dhe pa pengesa. Udhëheqja politike shqiptare mbetet përgjegjëse për sigurimin e këtij procesi.
Komisioni Europian: Bashkimi Europian merr shënim rezultatet e votimit të sotëm në Kuvendi i Shqipërisë. Angazhimi ndaj shtetit të së drejtës dhe lufta kundër korrupsionit janë të një rëndësie thelbësore për procesin e anëtarësimit në BE. Sigurimi i një mjedisi të përshtatshëm që SPAK të kryejë në mënyrë efektive punën e tij është thelbësor për të mbështetur në mënyrë të besueshme përparimin e Shqipërisë drejt anëtarësimit në Bashkimin Europian.
Bashkimi Europian: Bashkimi Evropian është në dijeni të rezultatit të votimit të sotëm në Parlamentin e Shqipërisë. Angazhimi ndaj shtetit të së drejtës dhe lufta kundër korrupsionit janë të një rëndësie thelbësore për procesin e anëtarësimit në BE.
Lidhur me deklaratat e para përkatësisht Ambasadës Britanike dhe Gjermane, një përgjigje erdhi edhe nga kryeministri Edi Rama, i cili u shpreh 100 % dakort me reagimet. Rama duke arsyetuar votimin në Kuvend, theksoi se deputetja Belinda Balluku nuk akuzohet për korrupsion dhe hetimi i çështjes do të vazhdojë pa pengesa për SPAK-un. Kreu i qeverisë në përgjigje siguroi se pavarësia e gjyqësorit nuk preket dhe mbështetja për Prokurorinë e Posaçme mbetet e palëkundur.
Përgjigjia e Edi Ramës:
Përshëndes deklaratat e ambasadave të Mbretërisë së Bashkuar dhe Gjermanisë, me parimet e shprehura në të cilat jemi të gjithë shumë dakord, 100%.
Por duke qenë se që të dyja dolën sot, kur Kuvendi me plot të drejtë refuzoi heqjen e lirisë së një deputeteje në mungesë të plotë të kushteve për ta ndërmarrë një hap të tillë ekstrem dhe, njëkohësisht, duke qenë se Shoqata e Molotovarëve të Tiranës ka filluar të flasë edhe në emër të Gjermanisë, përfitoj nga rasti të theksoj:
* Kjo shumicë qeverisëse e ka mendjen të ndarë dhe busullën të palëvizshme: Shqipëria 2030 në Bashkimin Europian
* Reforma në Drejtësi nuk kthehet mbrapa, pavarësia e gjyqësorit nuk preket dhe mbështetja për SPAK-un mbetet e palëkundur.
* Lufta reale kundër korrupsionit vazhdon, më këmbëngulëse se kurrë, siç e tregon qartë edhe pasqyra objektive e përditësuar Komisionit Europian.
* Belinda Balluku nuk akuzohet për korrupsion dhe hetimi i çështjes duhet të vazhdojë, i patrazuar as nga pengimi as nga yshtja e SPAK-ut, prej faktorësh jashtë kufijve të pushtetit të pavarur gjyqësor.
* Shumica qeverisëse, bëri sot pa asnjë diskutim atë që do të bënte çdo parlament demokratik i Europës, ku kalimi i kërkesave të prokurorisë jo për arrestin pa gjyq të një deputeti, po për të filluar apo jo hetimet, nuk është askund si kalimi pa asnjë lloj kontrolli i kufijve në zonën Shengen. Ai është një proces serioz, i bazuar në norma kushtetuese e ligjore, të cilat nuk janë as karta bianka, as dyer të mbyllura për prokurorinë.
Sot ne i kemi respektuar plotësisht ato norma dhe kush pretendon të kundërtën, ka të drejtën e vet të padiskutueshme, po s’ka argumenta të mjaftueshëm për ta fituar debatin mbi ekzistencën ose jo të kufirit mes pushteteve të pavarur kushtetues, të cilin parlamenti i Shqipërisë e mbylli sot duke treguar se dinjiteti i parlamentarëve nuk është material për eksperimente socio-politike, të cilat e bëjnë kurën më të rrezikshme se sa sëmundja që duhet të luftojë! Ecim përpara, Shqipëria nuk ka plan B.
Kujtojmë se Prokuroria e Posaçme (SPAK) i kërkoi Kuvendit autorizim për arrestimin e Ballukut, duke argumentuar se deputetja ka intimiduar dëshmitarë dhe mund të përbëjë rrezik për provat në hetim. Ish-zv.kryeministrja është marrë e pandehur për shkelje të barazisë në tenderë, dhe hetimi ndaj saj do të vijojë në gjendje të lirë dhe vetëm me masën e ndalimit të daljes jashtë shtetit./ZËRI
Kuvendi i tha "JO" kërkesës së SPAK për arrestimin e Ballukut, delegacioni i BE: Lufta kundër korrupsionit thelbësore!
TIRANË- Pas rrëzimit të kërkesës së SPAK për arrestimin e deputetes Belinda Balluku me 82 vota kundër në Kuvend, Bashkimi Europian reagoi duke theksuar rëndësinë e ruajtjes së integritetit të institucioneve dhe procesit të drejtësisë në Shqipëri. BE nënvizoi nevojën për transparencë dhe respektim të standardeve të pavarësisë së organëve të hetimit. Në reagim, BE vuri theksin te lufta kunfër korrpsionit, duke e cilësuar thelbësor në rrugën e Shqipërisë drejt Bashkimit Europian.
“Bashkimi Evropian është në dijeni të rezultatit të votimit të sotëm në Parlamentin e Shqipërisë. Angazhimi ndaj shtetit të së drejtës dhe lufta kundër korrupsionit janë të një rëndësie thelbësore për procesin e anëtarësimit në BE. Sigurimi i një mjedisi të përshtatshëm që SPAK të kryejë në mënyrë efektive punën e tij është thelbësor për të mbështetur në mënyrë të besueshme progresin e Shqipërisë drejt anëtarësimit në Bashkimin Evropian”, thuhet në reagimin e BE-së./ZËRI
PS rrëzoi me 82 vota kërkesën e SPAK! Cilët janë 4 deputetët që muguan në votim dhe kush "i erdhi në ndihmë"
TIRANË- Kërkesa e SPAK për arrestimin e deputetes Belinda Balluku u rrëzua sot nga Kuvendi i Shqipërisë me 82 vota kundër, ndërsa 47 deputetë të opozitës e mbështetën kërkesën e Prokurorisë së Posaçme. Edhe pse Partia Socialiste numëron 83 mandate në Kuvend, katër deputetë të saj nuk morën pjesë në votim.
Vetë Belinda Balluku nuk ishte e pranishme në seancë. Por, ajo nuk ishte mungesa e vetme. Gjithashtu në seancë nuk ishte e pranishme as deputetja Elisa Spiropali, e cila nuk ka dhënë një sqarim publik për mungesën e saj. Ndërkohë, deputeti Fatmir Xhafaj bëri të ditur se ndodhet jashtë vendit, ndërsa deputeti dhe ministri Blendi Gonxhja mungoi pasi ndodhet në Francë. Kundër kërkesës së SPAK votuan gjithashtu edhe deputetët e Partisë Socialdemokrate (PSD).
Deputetët e PD reaguan menjëherë kundër këtij vendimi duke përplasur tavolinar dhe u grumbulluan pranë foltores me pankarta kundër qeverisë. Paralelisht me seancën opozita doli edhe në protestë jashtë ambienteve të Parlamentit./ZËRI
Kuvendi rrëzon SPAK, Balluku deputete! Ambasada Holandeze: Ndjekja penale efektive e korrupsionit, prioritet
TIRANË-Edhe Ambasada e Holandës në Shqipëri ka reaguar pasi Kuvendi rrëzoi kërkesën e SPAK për heqjen e imunitetit të Belinda Ballukut. Në reagim Ambasada holandeze mbështet integrimin e Shqipërisë në BE, por shpreh edhe një kërkesë kyçe.
Në reagimin zyrtar Ambasada kërkon përparim në ndjekjen efektive penale e korrupsionit, përfshirë edhe në nivelet më të larta, duke pritur që sistemi i drejtësisë të veprojë shpejt dhe pa pengesa.
Reagimi: Lidhur me vendimin e sotëm të Parlamentit të Shqipërisë në lidhje me heqjen e imunitetit, Ambasada e Mbretërisë së Holandës në Shqipëri deklaron: Holanda mbështet integrimin e Shqipërisë në Bashkimin Evropian, në përputhje me dëshirat e popullit shqiptar. Një kërkesë kyçe për përparimin në këtë proces të bazuar në meritë është ndjekja efektive penale e korrupsionit, përfshirë edhe në nivelet më të larta. Ne presim qartë që, në raste të tilla, sistemi i drejtësisë do të jetë në gjendje të vazhdojë shpejt dhe pa pengesa. Politika shqiptare mbetet përgjegjëse për sigurimin e këtij procesi.
Balluku deputete! KE: Kemi shënim votimin në Kuvendin e Shqipërisë, rëndësi lufta kundër korrupsionit
TIRANË-Pas votimit të zhvilluar në Kuvendin e Shqipërisë, ku u rrëzua me 82 vota kundër kërkesa e SPAK për heqjen e imunitetit të deputetes Belinda Balluku, një reagim ka ardhur edhe nga Komisioni Europian. KE kërkon garantimin e kushteve që Struktura e Posaçme Kundër Korrupsionit dhe Krimit të Organizuar (SPAK) të kryejë punën e saj në mënyrë efektive, pasi mbetet thelbësore për rrugën e Shqipërisë drejt integrimit në Bashkimin Europian. Komisioni thekson se lufta kundër korrupsionit janë të një rëndësie thelbësore për procesin e anëtarësimit në BE.
Komisioni Europian: Bashkimi Europian merr shënim rezultatet e votimit të sotëm në Kuvendi i Shqipërisë. Angazhimi ndaj shtetit të së drejtës dhe lufta kundër korrupsionit janë të një rëndësie thelbësore për procesin e anëtarësimit në BE. Sigurimi i një mjedisi të përshtatshëm që SPAK të kryejë në mënyrë efektive punën e tij është thelbësor për të mbështetur në mënyrë të besueshme përparimin e Shqipërisë drejt anëtarësimit në Bashkimin Europian.
Ambasadat kërkuan mos të pengohet hetimi ndaj Ballukut! Rama: Dakord 100%, do e bënte çdo parlament në Europë
TIRANË-Kryeministri Edi Rama i është përgjigjur deklaratës së Ambasadës së Mbretërisë së Bashkuar dhe asaj Gjermane, të cilat shprehën më herët qëndrimin e tyre lidhur me rastin e deputetes, Belinda Balluku, ku Kuvendi vendosi të rrëzojë kërkesën e SPAK për arrestimin e saj.
Ambasada Britanike në Tiranë u shpreh se imuniteti nuk duhet të jetë pengesë për llogaridhënie të barabartë para ligjit. Ndërsa Ambasada e Gjermanisë thotë se kusht i domosdoshëm që Shqipëria të shënojë progres në rrugën e integrimit europian është ndjekja penale me efektivitet e korrupsionit edhe në raste të rangut të lartë, duke theksuar se edhe në raste si ky i Ballukut, ndjekja penale përmes drejtësisë të mund të realizohet shpejt dhe pa pengesa.
Lidhur me këto deklarata Rama është shprehur dakort dhe i mbështet, ndërsa thekson se Kuvendi bëri sot pa asnjë diskutim atë që do të bënte çdo parlament demokratik i Europës. Kreu i qeverisë në përgjigje deklaron se pavarësia e gjyqësorit nuk preket dhe mbështetja për SPAK-un mbetet e palëkundur.
Edi Rama: Përshëndes deklaratat e ambasadave të Mbretërisë së Bashkuar dhe Gjermanisë, me parimet e shprehura në të cilat jemi të gjithë shumë dakord, 100%. Por duke qenë se që të dyja dolën sot, kur Kuvendi me plot të drejtë refuzoi heqjen e lirisë së një deputeteje në mungesë të plotë të kushteve për ta ndërmarrë një hap të tillë ekstrem dhe, njëkohësisht, duke qenë se Shoqata e Molotovarëve të Tiranës ka filluar të flasë edhe në emër të Gjermanisë, përfitoj nga rasti të theksoj: • Kjo shumicë qeverisëse e ka mendjen të ndarë dhe busullën të palëvizshme: Shqipëria 2030 në Bashkimin Europian???????????????????? • Reforma në Drejtësi nuk kthehet mbrapa, pavarësia e gjyqësorit nuk preket dhe mbështetja për SPAK-un mbetet e palëkundur. • Lufta reale kundër korrupsionit vazhdon, më këmbëngulëse se kurrë, siç e tregon qartë edhe pasqyra objektive e përditësuar Komisionit Europian. • Belinda Balluku nuk akuzohet për korrupsion dhe hetimi i çështjes duhet të vazhdojë, i patrazuar as nga pengimi as nga yshtja e SPAK-ut, prej faktorësh jashtë kufijve të pushtetit të pavarur gjyqësor. • Shumica qeverisëse, bëri sot pa asnjë diskutim atë që do të bënte çdo parlament demokratik i Europës, ku kalimi i kërkesave të prokurorisë jo për arrestin pa gjyq të një deputeti, po për të filluar apo jo hetimet, nuk është askund si kalimi pa asnjë lloj kontrolli i kufijve në zonën Shengen. Ai është një proces serioz, i bazuar në norma kushtetuese e ligjore, të cilat nuk janë as karta bianka, as dyer të mbyllura për prokurorinë. Sot ne i kemi respektuar plotësisht ato norma dhe kush pretendon të kundërtën, ka të drejtën e vet të padiskutueshme, po s’ka argumenta të mjaftueshëm për ta fituar debatin mbi ekzistencën ose jo të kufirit mes pushteteve të pavarur kushtetues, të cilin parlamenti i Shqipërisë e mbylli sot duke treguar se dinjiteti i parlamentarëve nuk është material për eksperimente socio-politike, të cilat e bëjnë kurën më të rrezikshme se sa sëmundja që duhet të luftojë! Ecim përpara, Shqipëria nuk ka plan B.
Kuvendi 'bllokon' SPAK për arrestimin e Ballukut, Ambasada Gjermane: Të luftohet korrupsioni dhe në nivele të larta
TIRANË- Pas vendimit të Kuvendit të Shqipërisë, i cili me 83 vota rrëzoi kërkesën e SPAK për heqjen e imunitetit të Belinda Ballukut, Ambasada e Gjermanisë në Shqipëri reagoi menjëherë në rrjetet sociale. Përmes një postimi në faqen zyrtare, Ambasada thekson se një kusht i domosdoshëm për përparimin e Shqipërisë drejt integrimit europian është ndjekja efektive e rasteve të korrupsionit, përfshirë edhe zyrtarët e nivelit të lartë.
Gjermania nënvizon se edhe në raste si kjo, drejtësia duhet të funksionojë shpejt dhe pa pengesa, duke garantuar ndjekje penale të paanshme. Ky proces kërkohet të garantohet nga politika shqiptare.
Reagimi i ambasadës gjermane:
Lidhur me vendimin e sotëm të Parlamentit shqiptar rreth heqjes së imunitetit Ambasada Gjermane deklaron:
Gjermania mbështet procesin e integrimit të Shqipërisë në Bashkimin Evropian në përputhje me dëshirën e shqiptarëve.
Kusht i domosdoshëm për të bërë progres në këtë proces të bazuar në merita është ndjekja penale me efektivitet e korrupsionit edhe në raste të rangut të lartë. Pritshmëria jonë e qartë është që edhe në këto raste ndjekja penale përmes drejtësisë të mund të realizohet shpejt dhe pa pengesa. Prej politikës shqiptare vazhdon të kërkohet ende që ta garantojë këtë proces.
Nuk i hiqet imuniteti Belinda Ballukut! Mbyllet seanca në Kuvend, opozita protestoi në foltore
TIRANË- Është mbyllur seanca plenare plenare pas 1 orë 30 minutash. Pas leximit të raporteve përkatëse të PS dhe PD, me 82 vota kundër, Kuvendi rrëzoi kërkesën e SPAK për heqjen e imunitetit të deputetes Belinda Balluku. Të pranishëm në sallë ishin 128 deputetë dhe 47 deputetë të opozitës votuan pro kërkesës së SPAK. Ndërkohë që menjëherë pas votimin kanë shpërthyer tensionet, ku deputetët e opozitës përplasën tavolinat dhe bllokuan foltoren./ZËRI
Manja lexon raportin e PS për kërkesën e SPAK për Ballukun: Sot kuvendi të ndajë politikën nga drejtësia
TIRANË-Pas Partisë Demokratike, Ulsi Manja, si anëtarë i PS në Këshillin e Mandateve dhe Imuniteteve, ka lexuar raportin e socialistëve ku shprehen kundër kërkesës së SPAK për dhënie autorizimi për arrestimin e Belinda Ballukut.
Ulsi Manja: Ne kemi propozuar rrëzimin e kërkesës së SPAK për dhënien e autorizimin për arrestimin e zonjës Balluku. Në emër të anëtarëve të shumicës në këtë Këshill, në momentin që ne paraqitëm raportin, ka ndodhur një realitet i ri faktik dhe institucional që ndryshon natyrën e vlerësimit dhe shqyrtimit të kërkesës së SPAK. Është shndërruar sot në një debat të mbingarkuar politikisht në vend të një procesi të qetë, drejtë dhe ligjor. Kemi parë përpjekje për ta zhvendosur këtë çështje në një gjyq publik që bie ndesh me parimin e prezumimit të pafajësisë. Sot kuvendi të ndajë politikën nga drejtësia, dhe gjykimin publik nga procesi i rregullt ligjor.
'Fati' i Ballukut në dorën e Kuvendit! Ambasada Britanike: Imuniteti s'duhet të jetë pengesë për llogaridhënien para ligjit
TIRANË-Teksa Kuvendi do të votojë sot për kërkesën e SPAK lidhur me dhënien e autorizimit për arrestimin e deputetes socialiste, Belinda Balluku, Ambasada Britanike në Tiranë ka postuar një reagim në rrjetet sociale. Ambasada shprehet se imuniteti nuk duhet të jetë pengesë për llogaridhënie të barabartë para ligjit.
Në reagim theksohet se ekzekutivi, Gjyqësori dhe Legjislativi mbeten partnerë të barabartë në mbështetjen e këtij progresi si pjesë e qëllimit të Shqipërisë për arritjen e anëtarësimit në BE.
“Ambasada Britanike thekson rëndësinë e ruajtjes së sundimit të ligjit dhe pavarësisë gjyqësore, dhe njeh progresin e Shqipërisë në reformën gjyqësore që nga viti 2016, përfshirë krijimin e SPAK-ut. Ekzekutivi, Gjyqësori dhe Legjislativi mbeten partnerë të barabartë në mbështetjen e këtij progresi si pjesë e qëllimit të Shqipërisë për arritjen e anëtarësimit në BE. Ndërsa imuniteti parlamentar duhet të mbrojë proceset demokratike, ai nuk duhet të jetë pengesë për llogaridhënie të barabartë para ligjit”, thuhet në postimin e Ambasadës britanike.
U largua teksa opozita prezatoi raportin për Ballukun, kryeministri Rama rikthehet në seancë (VIDEO)
TIRANË- Kryeministri Edi Rama është rikthyer në seancën e Kuvendit. Rama u largua për disa minuta teksa deputeti demokrat Oerd Bylkybashi po prezantonte raportit të PD-së nga foltorja.
Po ashtu, është larguar edhe ministrja e Ekonomisë dhe Inovacionit Delina Ibrahimaj. Ndërkohë që mungojnë edhe ish-ministrja e Jashtme, Elisa Spiropali, as Farmir Xhafaj e as vetë Belinda Balluku. /ZËRI
Visualizza questo post su Instagram
Votimi për 'Ballukun'! Spiropali e Xhafaj, socialistët që mungojnë në Kuvend
TIRANË-Kuvendi do të votojë sot lidhur me kërkesën e SPAK për arrestimin e ish-zv.kryeministres Belinda Balluku. Por teksa pritet votimi për dy raportet bie në sy mungesa e ish-ministres së Jashtme, Elisa Spiropali, e shkarkuar nga kjo detyrë javën e kaluar së bashku me Belinda Ballukun. Gjithashtu nuk janë të pranishëm edhe Fatmir Xhafaj dhe vetë Belinda Balluku.
Kryetari I Kuvendit, Niko Peleshi njoftoi se Spiropali, pas largimit nga detyra e ministres, tani si deputete do të jetë pjesë e grupeve parlamentare të miqësisë me SHBA-në dhe Izraelin. Ndërkohë bëhet me dije se Fatmir Xhafaj ndodhet jashtë vendit prej disa ditësh në një vizitë të planifikuar shumë kohë më parë.
Partia Socialiste nuk i ka dhënë autorizimin SPAK për arrestimin e Belinda Ballukut. Në raport nënvizohet se nuk ka asnjë provë që Balluku të ketë intimiduar dëshmitarë dhe as nuk ka rrezik real arratisjeje nga ana e saj.
Kërkesa e SPAK për arrestimin e Ballukut, Bylykbashi lexon raportin e PD: Kuvendi të votojë pro
TIRANË-Anëtari i këshillit të Imuniteteve dhe Mandateve nga opozita, Order Bylykbashi ka nisur të prezantojë në sallën e Kuvendit raportin e hartuar nga PD për kërkesën e SPAK për arrestimin e Belinda Ballukut. Bylykbashi argumentoi se Kuvendi duhet të japë autorizimin për t’i hequr imunitetin Ballukut, ndërsa evidentoi gjetjet e Prokurorisë së Posaçme, se ish zëvendës kryeministrja ka kryer në mënyrë të përsëritur veprën penale të shkeljes së barazisë në tendera, në bashkëpunim.
Oerd Bylykbashi: Një nga seancat që do të lerë gjurmë për mënyrën si Kuvendi garanton të drejtën e shqiptarëve për mirëqeverisje. Sot në emër të 5 deputetëve anëtarë të Këshillit të Mandateve do të lexoj një përmbledhje të raportit të opozitës mbi kërkesën e SPAK për rastin Balluku. Kuvendi më 16 dhjetor u vu në lëvizje nga SPAK ku u kërkua dhënia e autorizimit për arrestimin e Ballukut, kërkesë e shoqëruar me provat e plota dhe relacionin përkatës. Kuvendi duhet të japë autorizimin.
Prokuroria ka marrë si të pandehur dhe person në hetim deputeten Belinda Balluku se dyshohet se ka kryer në mënyrë të përsëritur, 11 fakte penale, veprën penale shkelje e barazisë së pjesëmarrësve në tendera kryer në bashkëpunim. Kërkesa është marrë në shqyrtim nga këshilli për Mandatet në mbledhjen e datave 19 dhjetor dhe 23 shkurt, dhe në përfundim të shqyrtimit, 5 anëtarët e pakicës parlamentare, dhe analiza e fakteve dhe rrethanave të çështjes, rekomandojmë që deputetët të votojnë pro për miratimin e kërkesës së SPAK, duke vendosur dhënien e autorizimit për arrestimin apo heqjen e lirisë për Belinda Ballukun.
"Dorëheqje, o derëzinj"! Opozita me pankarta në sallë, proteston në Kuvend (VIDEO)
TIRANË- Opozita proteston sot paralelisht kur brenda sallës së Kuvendit do të votohen raportet e përgatitura nga palët Partia Socialiste dhe Partia Demokratike për dhënien e autorizimit për arrestimin e Belinda Ballukut. Jashtë Parlamentit janë mbledhur protestuesit, ndërkohë që deputët opozitarë e kanë 'zhvendosur' protestën edhe brenda Kuvendi. Deputetët opozitarë protestojën me pankarta në duar ku shkruhet "Dorëheqe, o derëzinj" dhe "Qeveri teknike".
/ZËRI
Kuvendi voton sot për fatin e saj, Balluku refuzon të flasë, nuk paraqitet
TIRANË-Në Kuvendin e Shqipërisë do të votohen raportet e Partisë Demokratik dhe asaj Socialiste lidhur me kërkesën e SPAK për arrestimin e deputetes Belinda Balluku. Por kjo e fundit nuk ka paraqitur kërkesën për të marrë të drejtën e fjalës, ashtu siç ishte parashikuar në rendin e ditës.
Kuvendi bëri me dije se para prezantimit të dy raporteve të përgatitur nga PD dhe PS në Këshillin e Mandateve, do të shprehej deputetja Belinda Balluku, por kjo e fundit ka zgjedhur mos të flasi.
Senaca ka vijuar me prezantimin e raporteve nga palët. Kujtojmë se Partia Socialiste nuk i ka dhënë autorizimin SPAK për arrestimin e Belinda Ballukut. Në raport nënvizohet se nuk ka asnjë provë që Balluku të ketë intimiduar dëshmitarë dhe as nuk ka rrezik real arratisjeje nga ana e saj. Ndërkohë, në fjalimin e tij kryeministri Edi Rama u shpreh se SPAK nuk pengohet në hetimin ndaj Ballukut, duke theksuar se ajo duhet të përballet në gjyq me akuzën për shkelje të barazisë në tendera.
Nga ana tjetër Partia Demokratike, është shprehur pro heqjes së imunitetit dhe hapjen së rrugës së Prokurorisë së Posaçme për të marrë të tjera masa ligjore. Heqja e imunitetit të Ballukut nga Kuvendi do t’i hapte rrugë arrestimit të saj, qoftë ky arrest me burg, në shtëpi apo edhe kontroll banese./ZËRI
Nis seanca plenare, i pranishëm edhe kryeministri Rama
TIRANË- Ka nisur seanca plenare në Kuvend. Kryeministri Rama ndodhet i pranishëm në seancën plenare ku pritet të votohen dy raportet përkatëse të PS e PD lidhur me kërkesën e SPAK për heqjen e imunitetit të ish-zv/kryeministres Belinda Balluku. Palët politike kanë qëndrime të kundërta për këtë çështje./ZËRI
Berisha niset nga selia e PD drejt Kuvendit
TIRANË-Ka përfunduar mbledhja e Grupit Parlamentar të PD. Në orën 10:00 pritet të nisë zyrtarisht protesta. Në Kuvend pritet të votohen raportet nga anëtarët e Komisionit të Këshillit të Mandateve dhe Imuniteteve për dhënien ose jo të autorizimit për arrestimin e ish-kryeministres Belinda Balluku. Edhe Kryeministri Edi Rama është parë të hyjë në Kuvend me makinën e tij.
Imuniteti i Ballukut dhe protesta e opozitës, Kryeministri Rama mbërrin në Kuvend (VIDEO)
TIRANË- Kryeministri Edi Rama ka mbërritur në kuvend, kur pritet të diskutohet në një seancë jo të zakonshme raporti i Komisionit të Këshillit të Mandateve dhe Imuniteteve për dhënien e autorizimit për arrestimin e ish-kryeministres Belinda Balluku. Kryeministri është parë të hyjë në Kuvend me makinën e tij dhe ka hyrë në mbledhjen e Grupit Parlamentar të PS.
Visualizza questo post su Instagram
Pak më herët mbërritën deputetët e Partisë Sociliste në mbledhjen e Grupit Parlamentar të njoftuar një orë para nisjes së seancës plenare. /ZËRI
Mblidhet grupi i PS para nisjes së seancës, socialistët nisin të paraqiten në Kuvend (VIDEO)
TIRANË- Partia Socialiste do të zhvillojë një mbledhje grupi përpara seancës plenare, në orën 09:00. Deputetët e Partisë Socialiste kanë nisur të paraqiten në ambientet e Kuvendit që prej orës 08:14 të mëngjesit. Mbërritja e tyre vjen pak para zhvillimit të mbledhjes së grupit parlamentar socialist.
Në Kuvend, do të votohen raportet e PS dhe PD mbi kërkesën e SPAK për dhënien e autorizimit për arrestimin e deputetes socialiste Belinda Balluku./ZËRI
Protesta e PD, policia "blindon" parlamentin! 1500 efektivë në gatishmëri (VIDEO)
TIRANË- Pak orë para nisjes së seancës plenare dhe protestës së opozitës, Policia e Shtetit ka marrë masat për garantimin e rendit dhe sigurisë. Efektivët janë vendosur pranë hyrjes së Parlamentit, të pajisur me mjete të ndryshme sigurie, përfshirë fikëse zjarri dhe mburoja mbrojtëse. Burime bëjnë me dije se rreth 1500 forca policore janë vënë në gatishmëri për mbarëvajtjen e protestës.
Sipas informacioneve, protesta e Partisë Demokratike pritet të zhvillohet si brenda, ashtu edhe jashtë ambienteve të Parlamentit, në shenjë kundërshtimi ndaj qëndrimit të mazhorancës për mosarrestimin e Belinda Ballukut.
Mbrëmjen e djeshme, policia vendosi barriera metalike rreth godinës së Kuvendit. Gjithashtu është njoftuar se nga ora 06:00 deri në përfundim të tubimit do të ketë kufizime në qarkullim në rrugën “George W. Bush”. Sipas Policisë, në varësi të ecurisë së protestës, mund të bllokohen edhe rrugë të tjera, ndërsa qytetarët dhe drejtuesit e mjeteve do të orientohen drejt akseve alternative./ZËRI
Sot protestë! Opzita "rrethon" Kuvendin, skenarët që priten të ndodhin
TIRANË- Partia Demokratike do të protestojë sot para godinës së Kuvendit, në të njëjtën orë kur në seancën plenare pritet të votohet kërkesa e SPAK për heqjen e imunitetit të deputetes Belinda Balluku. Protesta pritet të nisë në orën 10:00, para Kuvendit të Shqipërisë. Ndryshe nga dy protestat e fundit të opozitës, Policia ka marrë përsipër garantimin e rendit dhe sigurisë gjatë tubimit të paralajmëruar.
Sipas policisë, janë marrë një sërë masash me qëllim garantimin e rendit. Në kuadër të këtyre masave, është kufizuar qarkullimi i automjeteve që nga ora 06:00 deri në përfundim të tubimit në rrugën Rruga George ë. Bush, pranë Parlamentit.
Autoritetet bëjnë të ditur se në varësi të zhvillimit të tubimit, mund të ketë kufizime të përkohshme të qarkullimit edhe në akse të tjera rrugore. Në rast bllokimesh, policia ka parashikuar devijimin e automjeteve në rrugë alternative për të lehtësuar lëvizjen e qytetarëve.
Njoftimi i Policisë:
Tiranë-Përfaqësues të subjektit politik Partia Demokratike e Shqipërisë kanë njoftuar Policinë e Tiranës për zhvillimin e një tubimi, ditën e nesërme, në orën 10:00, para Parlamentit.
Me qëllim garantimin e rendit dhe sigurisë, Policia e Tiranës me mbështetjen e Drejtorisë së Përgjithshme të Policisë së Shtetit ka ndërmarrë të gjitha masat, në bazë të ligjit “Për tubimet”.
Në zbatim të këtyre masave, ditën e nesërme do të kufizohet lëvizja, nga ora 06:00 deri në përfundim të tubimit, në rrugën “George W. Bush”.
Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për devijimin e qarkullimit të automjeteve në rrugë alternative.
Policia e Tiranës kërkon mirëkuptimin e qytetarëve për kufizimin e lëvizjes me automjete, si dhe apelon që të distancohen në rast se gjenden përballë veprimeve të kundërligjshme që cenojnë rendin dhe sigurinë publike./ZËRI
Kuvendi me 2 raportet "në tavolinë": PS-PD të ndarë për imunitetin, "vuloset" sot çështja Balluku!
TIRANË- Kuvendi i Shqipërisë mblidhet sot në seancën plenare ku do të votohen raportet e përgatitura nga maxhoranca dhe opozita mbi kërkesën e SPAK për dhënien e autorizimit për arrestimin e deputetes socialiste Belinda Balluku. Seanca është parashikuar të nisë në orën 10:00, ndërsa paralelisht opozita ka paralajmëruar protestë përpara godinës së Parlamentit.
Në njoftimin e rendit të ditës, Kuvendi bën me dije se votimi i raporteve do të jetë pika e para, fill pas nisjes së seancës në ora 10:00. Para prezantimit të dy raporteve të përgatitur nga PD dhe PS në Këshillin e Mandateve, do të shprehet deputetja Belinda Balluku.
Partia Socialiste nuk i ka dhënë autorizimin SPAK për arrestimin e Belinda Ballukut. Në raport nënvizohet se nuk ka asnjë provë që Balluku të ketë intimiduar dëshmitarë dhe as nuk ka rrezik real arratisjeje nga ana e saj. Ndërkohë, në fjalimin e tij kryeministri Edi Rama u shpreh se SPAK nuk pengohet në hetimin ndaj Ballukut, duke theksuar se ajo duhet të përballet në gjyq me akuzën për shkelje të barazisë në tendera.
Nga ana tjetër Partia Demokratike, është shprehur pro heqjes së imunitetit dhe hapjen së rrugës së Prokurorisë së Posaçme për të marrë të tjera masa ligjore. Heqja e imunitetit të Ballukut nga Kuvendi do t’i hapte rrugë arrestimit të saj, qoftë ky arrest me burg, në shtëpi apo edhe kontroll banese.
Rendi i ditës:
1.Projektvendimi “Për dhënien e autorizimit nga Kuvendi për arrestimin/heqjen e lirisë së deputetes Belinda Balluku, nëpërmjet zëvendësimit të masës së sigurimit”.
(Në mbështetje të nenit 73 të Kushtetutës dhe neneve 13 dhe 118 të Rregullores së Kuvendit, shumicë e thjeshtë votash për miratim).
Pasi të flasë deputetja Balluku, paraqitet raporti nga opozita. Më pas paraqitet raporti i mazhorancës dhe në fund votohet.
2. Projektligji “Për aderimin e Republikës së Shqipërisë në Konventën e Metrit, nënshkruar në Paris, më 20 maj 1875, të ndryshuar me konventën e nënshkruar në Sèvres, më 6 tetor 1921, dhe rregulloren përkatëse”. (Në mbështetje të neneve 78, 83, pika 1, dhe 121, pika 1, shkronja “ç”, të Kushtetutës, dhe neneve 55, 73-77 të Rregullores, shumicë absolute votash për miratim)
3. Projektligji “Për ratifikimin e marrëveshjes së huas, ndërmjet Republikës së Shqipërisë (huamarrësi), përfaqësuar nga Ministria e Financave, dhe Korporatës Elektroenergjetike Shqiptare (KESH) (agjencia e zbatimit të projektit) dhe KfË, Frankfurt am Main (KfË), për rehabilitimin e hidrocentralit të Fierzës”. (Në mbështetje të neneve 78, 83, pika 1, dhe 121, pika 1, shkronja “ç”, të Kushtetutës, dhe neneve 55, 73-77 të Rregullores, shumicë absolute votash për miratim)
4. Projektvendimi “Për disa shtesa në vendimin nr. 64/2025, “Për caktimin e anëtarësisë së komisioneve të përhershme të Kuvendit”, i ndryshuar”. (Në mbështetje të nenit 78, pika 1, të Kushtetutës, si dhe të neneve 21, pika 1, dhe 55 të Rregullores së Kuvendit, shumicë e thjeshtë votash për miratim)
5. Projektvendimi “Për një shtesë në vendimin nr. 65/2025, “Për caktimin e anëtarëve zëvendësues në përbërjen e komisioneve të përhershme të Kuvendit”, i ndryshuar”.
(Në mbështetje të nenit 78 të Kushtetutës, si dhe neneve 21/1 dhe 55 të Rregullores së Kuvendit, shumicë e thjeshtë votash për miratim)
6. Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)/ZËRI
