TIRANË- Fundjava pritet të jetë në ndikim të kushteve atmosferike relativisht të qëndrueshme.
Moti parashikohet të jetë me kthjellime dhe vranësira të cilat do të vijnë në zhvillim në orët e mesditës kryesisht përgjatë relieveve malore.
Në mesditë dhe pasdite përgjatë relieveve malore të vendit (kryesisht në juglindje) reshje lokale shiu.
Era parashikohet të jetë nga veriperëndimi-jugperëndimi me shpejtësi deri në 6m/sek, e cila hera-herës në bregdet dhe lugina fiton shpejtësi deri në 12m/sek.
Valëzimi në dete pritet të jetë i forcës 1-2 ballë. Për ditën e dielë temperaturat pritet të shkojnë deri në 37 gradë Celsius në disa zona. Qytetet më të nxehta do të jenë Elbasani dhe Berati, ndërkohë që në bregdet moti do të jetë perfekt për plazh.
/ZËRI
