Frika e luftës është kthyer në fuçinë e barutit të Evropës: kjo pasi Serbia ka vendosur trupat e saj në kufi me Kosovën.
A ekziston rreziku i një lufte të re ballkanike?
Tensionet në ish-zonën e luftës (1998/99) u përshkallëzuan javën e kaluar kur 30 paraushtarakë serbë të armatosur rëndë në veri të Kosovës sulmuan oficerët e policisë së Kosovës në një fshat të banuar me shumicë serbe. Një polic u vra dhe një tjetër u plagos rëndë. Tre sulmues serbë u vranë gjatë sulmit. Presidenti serb Aleksandër Vuçiç, i cili ka lidhje të ngushta me Rusinë dhe Kinën, vendosi trupa në kufirin me Kosovën, ashtu siç ka bërë ndër vite.
BILD intervistoi ekspertë të rajonit, të cilët u përgjigjën lidhur me krizën.
Sa e rëndë është situata në kufi?
"Vendosja e trupave serbe ishte një shfaqje force dhe një masë parandaluese kundër Kosovës,"- tha Jakov Devçiç, kreu i zyrës së jashtme Serbi/Mali i Zi i Konrad me qendër në Beograd. Ish-kreu gjerman i trupave të KFOR-it në Kosovë, gjenerali në pension Erhard Bühler (67), tha për BILD se zhvillimet aktuale në kufi janë “shqetësuese”.
"Presidenti serb Vuçiç mban fajin kryesor. Është hera e tretë në dy vjet që Vuçiç ka dislokuar trupat e tij – por kurrë nuk ka qenë aq kërcënuese dhe masive sa tani. Kjo duhet të marrë fund,"- tha Bühler.
Konrad Clewing nga Instituti Leibniz për Kërkimet e Evropës Lindore dhe Juglindore tha gjithashtu për BILD: Kësaj radhe situata është më e rrezikshme. Sepse trupat sigurisht që mund të përdoren për sulme në territorin e Kosovës.
A po nxit Putini luftën e ardhshme ballkanike?
Serbia është afër Rusisë dhe mund të jetë e sigurt për mbështetjen e Moskës. Ish-komandanti i KFOR-it Bühler tha se Rusia dhe Serbia, Putini dhe Vuçiç, po mbështeten në konfliktet e ngrira etnike në Ballkan, të cilat mund të ringjallën në çdo kohë. Putini është padyshim një pjesë aktive e konfliktit. Historiani i Leibniz Clewing është i sigurt: Për Rusinë, përveç luftës së saj kundër Ukrainës, çdo dobësim dhe shpërqendrim i Perëndimit nga problemet kudo në botë dhe veçanërisht këtu në Evropë është shumë i mirëpritur.
Çfarë duhet të bëjnë BE-ja dhe NATO-ja tani?
Ish-gjenerali Bühler kërkon pasoja të rënda.
“Lideri serb Vuçiq tani duhet të tregohet se ka mbaruar! BE-ja dhe NATO-ja duhet të vendosin sanksione kundër Beogradit,”-tha ai.
Çfarë do të thotë përshkallëzimi aktual për Evropën?
Kriza në Ballkan ka një ndikim të qartë edhe në Evropën Qendrore dhe Perëndimore. Eksperti i Ballkanit, Devçiç paralajmëron për një tjetër pikë të hapur problemi në Evropë që do të godasë pak para zgjedhjeve evropiane dhe zgjedhjeve presidenciale në SHBA në 2024.
Një vakum pushteti që rrethon zgjedhjet në Perëndim do të “kufizojë aftësinë për të vepruar”. Historiani Clewing paralajmëron destavilizimin e Europës dhe një turp të madh për BE-në. Përfundimi vjen nga Clewing: Serbia duhet të ndalet – së pari diplomatikisht dhe politikisht. Por me emergjencë përmes NATO-s: ushtarakisht flas!/Zëri.ai
Marrë nga Bild
