TIRANË- Zëvendësministri i Mbrojtjes, Dorian Tola është liruar nga detyra. Vendimi u mor sot në mbledhjen e Këshillit të Ministrave. Tola mori detyrën si zëvendësministër në qershor të vitit 2024, ndërsa më parë ka mbajtur detyrën e kreut të Drejtorisë së Sigurimit të Informacionit të Klasifikuar (DSIK), si dhe ka shërbyer në Forcat e Armatosura.
Po ashtu, ai ka kryer detyra që kishin të bënin me planëzimin afatgjatë të Forcës Detare dhe bashkëpunimin ushtarak me NATO-n.
“VENDIM PËR LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
VENDOSI:
Z. Dorian Tola, zëvendësministër i Mbrojtjes, lirohet nga kjo detyrë. Ky vendim hyn në fuqi menjëherë”, thuhet në VKM./ZËRI
