TIRANË-Nëse zgjedhjet do të mbaheshin nesër në Shqipëri, shqiptarët do të votonin më shumë deputetin e Partisë Socialiste Arben Pëllumbin. Në sondazhin e publikuar tek ZËRI nga 764 vota, 16% pranuan se do të votonin për Pëllumbin, në krahasim me deputetët dhe ministrat që Partia Socialiste ka në radhët e saj në Kuvend. I dyti pas Pëllumbit listohet deputeti Eduart Ndreca, i cili ka marrë 13% të votave. Vendi i tretë i takon deputetit Ornaldo Rakipi me 9%, i cili ndiqet nga deputetja socialiste Pranvera Resulaj me 8%. Ajo që bie në sy është se shumica e deputetëve dhe ministrave nuk kanë kapur as 1% të votave.
TË DHëNAT E SONDAZHIT
Arben Pëllumbi 16%
Eduart Ndreca 13%
Ornaldo Rakipi 9%
Pranvera Resulaj 8%
Nasip Naço 6%
Saimir Hasalla 6%
Erion Braçe 5%
Ulsi Manja 3%
Vota gjithsej 764
Ky është "kampioni" i marrë në faqen e ZËRI-t, por nuk dihet nëse vërtetë këto vota do të hidhen në kuti nga qytetarët shqiptarë mëngjesin e 11 majit. Maxhoranca kërkon që të shkruajë historinë; kërkon mandatin e katërt! Për të fituar një mandat të katërt të qeverisjes PS ka caktuar 14 drejtues politik për 12 qarqe, si dhe një drejtues politik të dedikuar vetëm për diasporën. Gjithsesi gjithçka ngelet për tu parë të nesërmen e zgjedhjeve, më 12 maj./ZËRI
