ELBASAN- Drejtues të niveleve të larta si dhe administratorë të njësive vendore në këtë Bashkinë Elbasan kanë paraqitur sot dorëheqjen e tyre pas kërkesës së kryeministrit Edi Rama. Dorëheqja e 18 administratorëve në Elbasan vjen pas ultimatumit të menjëhershëm të kreut të qeverisë, i cili vetëm 3 ditë më parë shprehu nevojën për një "rifreskim" në disa bashki të vendit.
Në takimin me kryebashkiakët në Durrës, kryeministri kërkoi shkarkimin e të gjithë kryetarëve të Njësive Administrative në të gjithë Republikën e Shqipërisë, duke theksuar se ky pastrim është i domosdoshëm për të përmirësuar funksionimin e strukturave vendore.
Sot, e hënë, është afati i fundit i vënë nga kryeministri Edi Rama për shkarkimin e të gjithë krerëve të njësive administrative, ndërsa dorëheqjet masive pritet t’i hapin rrugë emërimeve të reja./ZËRI/
