TIRANË- Janë zbardhur emrat e 53 ekspertëve që do të marrin pjesë, me dhënie mendimi, në Komisionin Antikorrupsion që është ngritur vetëm me votat e socialistëve në Kuvend, dhe që drejtohet nga ish-ministri i drejtësisë Fatmir Xhafaj. Ky Komision, i cili do të analizojë 3 shtylla që janë mirëqeverisja, antikorrupsioni dhe sundimi i ligjit, pritet që të dalë me rekomandime për ndryshime ligjore, teksa na ndajnë pak muaj nga zgjedhjet e ardhshme parlamentare në vend.
Mes ekspertëve që janë thirrur për të marrë pjesë në këtë komision janë pedagogë të drejtësisë, por edhe përfaqësues të shoqërisë civile. Mes tyre është Enkeleda Olldashi, gruaja e Sokol Olldashit, Bledar Dervishaj, ish këshilltar i Metës, konstitucionalistja Aurela Anastasi, pjesë e grupit që hartoi Reformën në Drejtësi.
Pjesë e skuadrës do të jenë dhe Klesta Hysi, vajza e Vasilika Hysit, por edhe Arantita Brahaj e Open Data, e cila drejton një projekt të shoqërisë civile që merret kryesisht me transparencën e tenderave që janë dhënë nga institucionet publike.
Lista me 53 ekspertët e nivelit të lartë që do të angazhohen, publikuar nga Report tv
I. MIRËQEVERISJA
1- Eralda Met'hasani - FDUT - Departamenti se drejtes publike
2- Klesta Hysi - FDUT - Departmenti se drejtes publike
3- Eniana Qarri - FDUT - Departamenti se drejtes civile
4- Etleva Bajrami - FEUT - zv. Dekane
5- Eglantina Zyka - FEUT - Departamenti i Statistikes & Informatikes
6- Andi Dura - UET - Pedagog, Departamenti i Shkencave Juridike
7- Arjan Dyrmishi – ShC – CSDG
8- Geron Kamberi - ShC - CSDG
9- Blerta Kalavace - ShC - IRC/Idra Research & Consulting
10- Aranita Brahaj - ShC - AIS/Open data
11- Jolanda Trebicka – ShC – EPD
12- Blerta Tuci –ShC- EU Policy Hub
13- Zef Preci - ShC – QSHKE
14- Marsel Llukmani – biznes - BIZNES ALBANIA (Dhoma Kombëtare E Zejtarisë)
15- Florjan Hasko –biznes - IÇ/International Chamber of Commerce
16- Vilma Shurdhi - Avokati i Popullit - Komisionere
17- Qeram Çibaku - Institucion i pavarur - Kontrolli i Lartë i Shtetit
II. ANTIKORRUPSIONI
18- Fjoralba Caka - FDUT - Departamenti se drejtes civile
19- Jonida Rustemaj - FDUT - Departamenti se drejtes civile
20- Enkelejda Olldashi - FDUT - Departamenti se drejtes publike
21- Ilda Mucmataj - FDUT - Departamenti se drejtes publike
22- Ledjon Shahini - FEUT - Pergiegiese Departamenti Ekonomis
23- Mirela Miti - FEUT - Pergiegjese e Departmentit te Kontabilitetit
24- Sofjana Veliu - UET - Drejtuese e Departmentit te Shkencave Juridike
25- Arjan Dyrmishi - ShC - CSDG
26- Krisela Hackaj - ShC - CDI/Dreitore Ekzekutive
27- Nirvana Deliu - ShC - Hulumtuese Politikash, EM-AL
28- Erisa Proko - ShC - Qendra "Instituti Per Zhvillim Strategjik"
29- Auron Pasha - ShC - Idra Research & Consulting
30- Stela Suloti – ShC – EU Policy Hub
31- Ened Topi - biznes - IÇ/International Chamber of Commerce/ Deloitte legal
32- Mirlind Polovina – biznes - BIZNES ALBANIA (Dhoma Kombëtare E Zejtarisë)
33- Arber Basholli - Institucion i pavarur - ILDKPI - SP
34- Mimoza Kaçi – Institucion i pavarur - Autoriteti i Mbikëqyrjes Financiare
35- Violanda Theodhori – Institucion i pavarur - Autoriteti i Mbikëqyrjes Financiare
36- Bledar Mustafaraj - Institucion i pavarur - Kontrolli i Lartë i Shtetit
III. SUNDIMI I LIGJIT
37- Erjon Muharremaj - FDUT - Departamenti i se drejtes publike
38- Aurela Anastasi - FDUT - Departamenti i se drejtes publike
39- Nadia Rusi - FDUT - Departamenti i se dretes publike
40- Skerdian Kurti - FDUT - Departmenti i se drejtes penale
41- Mariel Frroku - FEUT - Departamenti i Finances
42- Luan Veliqoti - Universiteti "LUARASI - Departamenti i se Drejtes Penale
43- Emilio Çika - UMSH - Fakultetit i Drejtesise;
44- Juelda Lamçe - UET - Dekane e FSHJPMN
45- Olta Aliaj - Avokati i Popullit - Komisionere
46- Gledis Gjipali - ShC - Dretor Ezekutiv - EM-AL
47-Ilvana Dedja - ShC - CSDG
48- Mirsada Hallunaj - ShC - CSDG
49- Eda Noçka – ShC- Qendra Altri
50- Gerti Shella - ShC – Qendra Për Çështjet E Informimit Publik (INFOCIP)
51- Bledar Dervishaj -ShC-INFOCIP
52- Ina Xhepa - ShC-Qendra Europiane
53- Oltion Dano - Biznesi - IÇ/Studio ligjore "Kalo & Associates"
Pavarësisht se opozita deri tani ka vendosur bojkotimin e punimeve të deritanishme të Komisionit, kryeministri Edi Rama, në mbledhjen e Asamblesë Kombëtare të PS-së tha se puna e këtij komisioni do të vijojë, ndërsa së fundi ka marrë edhe bekimin e ndërkombëtarëve. Ambasada e SHBA dhe BE në vendin tonë shprehën gadishmërinë për të asistuar me dhënie mendimi në këtë Komision, që fillimisht është shigjetuar si një mekanizëm për kapjen e institucioneve të drejtësisë.
“Si partnerë të palëkundur të përpjekjeve të Shqipërisë për të çuar përpara reformat e nevojshme për anëtarësim në BE, Ambasada e SHBA do të angazhohet me komisionin e posaçëm për mirëqeverisjen, anti-korrupsionin dhe sundimin e ligjit,” deklaroi ambasada e SHBA-ve.
“Pritshmëria jonë është që puna e këtij komisioni të jetë përfshirëse dhe transparente…,” shtoi ajo.
Edhe ambasadori i BE në Tiranë, Silvio Gonzato, deklaroi angazhimin konkret në komision gjatë një takimi me kryetaren e Kuvendit, Elisa Spiropali të mërkurën.
“Konfirmova gjithashtu se BE-ja do të angazhohej me komisionet e posaçme parlamentare – për thellimin e reformave për qeverisjen e mirë, sundimin e ligjit dhe antikorrupsionin, si dhe për luftimin e dezinformimit dhe formave të tjera të ndërhyrjes së huaj në procesin demokratik – me synimin për të siguruar koherencë e plotë me angazhimet të Shqipërisë për anëtarësim në BE,” njoftoi Gonzato pas këtij takimi.
Mazhoranca pretendon se qëllimi i Komisionit, është rritja dhe forcimi i rolit të Kuvendit si ndërmjetës mes institucioneve të pavaruara dhe agjencive ligjzbatuese për ecurinë reformave anti-korrupsion në kuadër të integrimit./ZËRI
