TIRANË- Tedi Mula fitoi mandatin e vetëm të deputetit në Tiranë nga Partia SocialDemokrate, duke marrë rreth 2500 vota preferenciale. I ftuar në emisionin LOG, Mula foli për fushatën elektorale. Në fjalën e tij, deputeti u shpreh se gjatë fushatës, forca politike që përfaqëson ishte censuruar.
“Nuk jemi parti lokaliste, kemi anëtarë të këshillit bashkiak në çdo bashki të vendit. Duhej të kishte një sistem proporcional, si në Kosovë bie fjala, që partitë e vogla të marrin më shumë deputetë. Ne në Tiranë kemi pritur të marrim 2 mandate. Kemi pasur një rritje prej 2 mijë votash në rang vendi. Secila parti lufton për vete, na kanë sulmuar në të gjitha anët. Njëlloj censurimi nga sondazhet, nuk na llogarisnin fare, edhe pse ne kishim 3 mandate në 2021 dhe morëm po ashtu 3 tani,”-u shpreh Mula./ZËRI
