Duket se ekziston një kategori burrash që vazhdimisht tradhton partneret e tyre dhe kjo lidhet me llojin e punës që ata kanë, ose mungesën e saj.
Sipas një studimi të ri nga Institute for Family Studies, burrat në pozicione të larta, si CEO, kirurgë dhe mjekë, si dhe ata të papunë, kanë më shumë gjasa të tradhtojnë krahasuar me të tjerët.
Autorka Wendy Wang analizoi të dhënat nga General Social Survey dhe arriti në përfundimin se 18% e burrave në pozicione të larta kanë qenë të pabesë në martesë.
Në mënyrë të ngjashme, burrat e papunë të moshës 25–54 vjeç janë më të predispozuar të kenë aventura jashtë martesës, me rreth 1 në 5 që kanë tradhtuar tashmë.
Studimet tregojnë se burrat pa punë ose ata që varen financiarisht nga bashkëshortet e tyre ndihen inferiorë dhe të pasigurt, gjë që shpesh i çon drejt kërkimit të kënaqësisë diku tjetër, duke i bërë më të predispozuar për tradhti.
Ndërkohë që burrat shpesh kritizohen për aferat jashtëmartesore, e vërteta është se edhe gratë nuk janë të imunizuara. Sipas të dhënave të sondazhit dhe asaj që Wang i tha New York Post, 14% e grave pranojnë se kanë tradhtuar partnerët e tyre.
Megjithatë, kur bëhet fjalë për profesionin, dallimi midis dy gjinive është ky: gratë (21%) në punë me status të ulët kanë më shumë gjasa të tradhtojnë sesa ato në pozicione të larta (9%) — e kundërta e burrave./Protothema/ZËRI
