SHBA- Marion "Suge" Knight kohët e fundit ka deklaruar se Sean "Diddy" Combs e bëri Justin Bieber të bënte udhëtime romantike me burra të tjere, "të rritur dhe të suksesshëm".
Knight i tha këto pretendime në një intervistë me Michael Franzese, e cila u postua në YouTube më 12 nëntor.
“Çështja e drogës dhe gjërave që ai [Diddy] i lejoi këta burra të rritur t'i bënin këtij djali të vogël [Justin] është e pashëndetshme dhe është e ndyrë,” pohoi Suge Knight.
Ai shtoi më tej: “Dua të them se ai kishte burra të rritur që e merrnin Justin Bieber. Ai ishte një burrë i rritur që e çonte Justin Bieber kur ishte i vogël, në pushime romantike.”
Knight vazhdoi duke thënë se shkuarja në këto "pushime" nuk ishte kryesorja, por aktivitetet e supozuara të paligjshme që këta burra u përfshinë me Bieber në "ishuj romantikë" pa gratë e tyre apo edhe të dashurat, duke shtuar se ishin të papranueshme.
Suge Knight kritikoi figura të industrisë si Snoop Dogg dhe Usher për faktin që kanë heshtur për gjithçka që iu bë Justin Bieber, duke shtuar se "ishin në dijeni, por ata zgjodhën të heshtin”.
Kur u pyet konkretisht se çfarë dyshohet se i bënë Diddy dhe bashkëpunëtorët e tij yllit kanadez të popit, Knight pohoi: Ata kishin marrëdhënie seksuale me të.
“Me të vërtetë e urrej ta them këtë, sepse më pëlqen shumë Justin Bieber. Dhe kjo nuk do të kishte ndodhur nëse Justin Bieber do të vinte nga një familje e pasur. Justin Bieber vinte nga një familje e varfër. Por i riu ishte aq i talentuar sa mund të ishte më i madh se Michael Jackson”, shtoi Suge.
