IRLANDË- Cristiano Ronaldo u përjashtua me karton të kuq për shkak të një goditjeje me bërryl ndaj kundërshtarit, në ndeshjen që luajti kombëtarja e tij në transfertë me Irlandën.
Një natë e vështirë për Portugalinë në Dublin, e cila, ishte duke humbur 2-0 në mesin e pjesës së dytë, kur pësoi përjashtimin e kapitenit dhe emblemës së saj, Ronaldo.
CR7-ta u perplas brenda zonës me Dara O’Shea-n dhe përfundoi duke e rrëzuar atë me një goditje me bërryl në shpinë.
Gjyqtari e vuri re situatën dhe i dha një karton të verdhë, megjithatë ai e ndryshoi vendimin e tij pasi u thirr në monitor nga VAR.
Portugalia ka nevojë për një fitore për t’u kualifikuar në Kupën e Botës 2026, dhe do të duhet ta kërkojë atë kundër Armenisë të dielën e ardhshme, ndërkohë që Ronaldo nuk do të luajë për shkak të kartonit të kuq që mori në ndeshjen e mbrëmshme.
