KOSOVË- Drama mes Dafina Zeqirit dhe Tayna-s është rikthyer. Këngëtaret rreth tre vite nga prishja e marrëdhënies së tyre kanë hedhur sërish kunja për njëra-tjetrën. Shkak për këtë fillim drame është bërë Tayna, e cila në një intervistë të dhënë së fundmi, është shprehur se prishja e marrëdhënies ka ardhur si pasojë e personave të tretë të cilat kanë thënë gjëra të pavërteta për njëra-tjetrën.
Lidhur me këtë deklaratë, Dafina ka reaguar menjëherë në kanalin e saj në Instagram, duke shkruar:
“Hmm…. E keqja është kur ia bën një të mirë dikujt dhe ta kthen mbas një fare kohe shumë të shkurt me të keq.
Ti? Se di pse? Cfare ka ndodhur? Pse ty? Kur ti gjithcka që ke bërë? Duhet ta mbrosh atë njeri tek njerëzit e tjerë që janë munduar ta poshtërojnë. Nuk ka ndodhur kurrë që unë të prishem me dikë për shkak të ndonjë keqkuptimi apo fjalëve të njerëzve përreth se nuk jemi 10-vjec por 25-30 vjec. Nëse do ishte keqkuptim, do e kishim sqaruar dhe do e kishim kaluar. Fjalë të njerëzve përreth? Nuk kam unë njerëz përreth që merren me thashetheme. Nuk fiton njeri kur do të marrësh vëmendje duke poshtëruar dikë që të ka ndihmuar.”-shkruan Dafina në rrjet.
Nga ana tjetër, Tayna e ka një përgjigje në “Threads”, duke shkruar: “Të gjithë e dimë kush ka ndihmuar kë në atë kohë. Boll me gënjeshtra, harrojë këtë dhe mos më bëj t’i rikthehem kësaj historie”.
“Bye Bye” ka qenë projekti muzikor që bashkoi për herë të parë dy këngëtaret, Tayna dhe Dafina Zeqiri, kënga e të cilave arriti një sukses të jashtëzakonshëm. Por veç suksesit që solli projekti, marrëdhënia e tyre nuk do të zgjaste shumë. Shkak për prishjen e miqësisë u përfol se ishte Instagrami, meqenëse artistet nuk komentonin dhe as nuk pëlqenin më postimet e njëra tjetrës. Për më tepër nuk promovonin materialet e reja muzikore të njëra-tjetrës, siç bënin rëndom. Në fund fare, ato mandje as nuk ndjekin më njëra tjetrën në Instagram./ZËRI
