GJERMANI- Rumania ikën me kokën lart nga Euro 2024, pasi u eliminua me një rezultat 0-3 me Holandën, e cila siguroi një vend të çerekfinale. Një gjest i bërë nga skuadra rumune duket se i ka lënë gjermanët me “gojë hapur”. Pas eleminimit, lojtarët dhe stafi që i shoqëronte kishin pastruar dhomën e tyre të zhveshjes dhe kishin lënë një letër, ku falënderonin Gjermaninë për organizimin e këtij turneu.
View this post on Instagram
“UEFA Euro 2024 ishte një nga përvojat më të rëndësishme të futbollit për të gjithë ne deri tani dhe jemi shumë të lumtur që skena në të cilën u zhvillua ishte Gjermania. Çdo lojë, çdo emocion, çdo përvojë na bashkoi për të ndjerë magjinë e futbollit. Po largohemi nga Gjermania me ndjenjën se kemi dhënë gjithçka për Rumaninë dhe jemi mirënjohës për gjithçka që kemi përjetuar këtu. Ishte një nder të ishim pjesë e familjes së madhe të futbollit europian”, shkruhej në letrën e lënë nga Rumania./ZËRI
