LUSHNJË- Një aksident i rëndë me pasojë vdekjen është regjistruar mbrëmjen e sotme në autostradën Lushnje-Fier. Blutw bwjnw me dije shtetasi G.SH. ka përplasur me automjetin e tij një këmbësor, i cili ka humbur jetën në vendngjarje si pasojë e plagëve të marra.
Sipas burimeve, viktima është shtetasi Skënder Maledhi 70-vjeç, po përpiqej të kalonte rrugën me biçikletë, kur ndodhi aksidenti. Ndërkohë, policia dhe grupi hetimor ndodhen në vendin e ngjarjes dhe po punojnë për zbardhjen e plotë të shkaqeve të aksidentit.
Njoftimi i policisë:
Lushnjë / Informacion paraprak
Rreth orës 19:25, në aksin rrugor Fier–Lushnjë, shtetasi G. Sh., 52 vjeç, duke drejtuar automjetin, ka përplasur këmbësorin, shtetasin S. M., rreth 70 vjeç, i cili, si pasojë e përplasjes, ka humbur jetën në vendngjarje.
Drejtuesi i mjetit, shtetasi G. Sh., u shoqërua në Komisariat për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit.
