TIRANË- Sali Berisha, një nga figurat më të rëndësishme të politikës shqiptare, festoi sot 80-vjetorin e tij, ndërsa vijon të jetë nën masën e “arrestit shtëpiak” për akuzat e ngritura nga SPAK në lidhje me dosjen “Partizani”. Qindra mbështetës e uruan ish-kryeministrin për këtë përvjetor të rëndësishëm, duke shprehur besnikërinë e tyre ndaj tij.
SPAK zyrtarisht ka përfunduar hetimet për dosjen voluminoze me 333 fashikuj, ku përveç Berishës, është përfshirë edhe dhëndri i tij. Dosja tashmë është dërguar në Gjykatën e Posaçme Kundër Korrupsionit dhe Krimit të Organizuar (GJKKO), për të vijuar me procesin gjyqësor.
Në këtë 80 vjetor nuk kishte si të ndodhte ndryshe, bashkëshortja e tij Liri Berisha iu bashkua për herë të parë në daljen e tij ne dritare duke treguar kështu mbështetjen e plotë te saj ndaj bashkëshortit të saj.
Liri Berisha: Të dal edhe unë?
Sali Berisha: Hajde, hajde!
Liri Berisha:Te dal tek dritarja këtej apo këtej? Më panë me duket
Vieë this post on Instagram
Megjithatë, kjo nuk e pengoi Berishën të shfaqej përpara ndjekësve të tij nga dritarja e shtëpisë, ku mbajti një fjalim të shkurtër për t’i falënderuar për mbështetjen e vazhdueshme. Në një moment emocional, bashkë me bashkëshorten e tij, Liri Berisha, ata valëvitën flamujt e Partisë Demokratike.
“Kjo është ditëlindja që ndjehem më i frymëzuar, më i motivuar dhe më krenar se kurrë në jetën time me ju”, tha Berisha gjatë fjalës së tij.
Ndërkohë, po flitet se hetimet e SPAK kanë përfshirë gjithashtu edhe Fondacionin për Fëmijët Autikë, të drejtuar nga Liri Berisha, me dyshime për abuzime financiare dhe fshehje të fondeve./ ZËRI
