TIRANË- Pëllumb Gjoka ka shkuar sërish në Gjykatën Kushtetuese, kësaj here për një tjetër betejë ligjore. Pasi Kushtetuesja rrëzoi pretendimet e tij për të mos i cilësuar prova përgjimet e "SkyECC", biznesmeni ka hapur një tjetër betejë ligjore kundër Prokurorisë së Posaçme kundër Korrupsionit dhe Krimit të Organizuar.
Kësaj here, biznesmeni Gjoka kërkon heqjen e sekuestros ndaj 390 mijë metra katrorë sipërfaqe toke (39 ha) në zonën e Velipojës. Padia është përcjellë nga i pandehuri Pëllumb Gjoka, i cili është i paraburgosur, si edhe nga përfaqësuesi Kolë Gjoka dhe ‘Shoqëria Imperial Group’, që pretendojnë se kjo pasuri është ne emër të tyre dhe jo të biznesmenit.
"Shfuqizimin si te papajtueshëm me Kushtetutën e Shqipërisë të Republikës së vendimit nr. 00-2024- 423, datë 07.03.2024 to Kolegjit Penal te Gjykatës së Lartë, të vendimit nr. 167 (87-2023-270), datë 27.11.2023 te Gjykatës së Posaçme të Apelit për Korrupsionin dhe Krimin e Organizuar dhe të vendimit nr. 422, datë 23.10.2023 të Gjykatës së Posaçme të Shkallës së Parë për Korrupsionin dhe Krimin e Organizuar për pjesën e masës së sigurimit pasuror "sekuestro preventive mbi pasuritë e paluajtshme te regjistruara në ASHK, Shkodër në emër të shoqërisë "Imperial Group" sh.a. dhe të shtetasit Kole Gjoka (në ZK 3072 me nr. 1083/4 dhe 1083/6 ne Vol. 10, fq. 86 dhe 88),"-është objekti i padisë.
Nga korriku i vitit 2023, Pëllumb Gjoka ndodhet në paraburgim, i akuzuar për disa vepra të rënda penale. Ai u arrestua në kuadër të operacionit “Metamorfoza”. Ky i fundit u arrestua pas zbardhjes së komunikimeve në aplikacionin "Sky ECC", ndërsa bashkë me të në pranga përfnduan policë, prorkurorë dhe ish-prokurorë. Deri në marrjen e një vendimi nga GJKKO për dosjen, biznesmeni Pëllumb Gjoka, prokurori Xhevahir Lita, ish-shefi i Operacionales Oltion Bistri, ish-efektivi Adrit Hasanbegaj, Edmond Preka (shofer i biznesmenit Gjoka) do të qëndrojnë në qeli, derisa të përfundojnë hetimet./ZËRI
