TIRANË- Philipp Plein dhe këshilltarja e tij e biznesit, Carmine Rotondaro, kanë njoftuar një marrëveshje me kryefjalë Shqipërinë! Tashmë, Philip Plein do të jetë edhe në Tiranë. Nëpërmjet një bashkëpunimi me kompaninë e pasurive të paluajtshme X One LLC (SHPK), do të ndërtohet "Grand Park Skyline". "X One", i drejtuar nga Ylli Ujka dhe Cesk Ivanaj, por me partner edhe Ilir Trebickën, është një kompani e shquar shqiptare me lidhje të forta me Italinë.
Hoteli do ndërtohet në rrugën Adem Jashari.
Siç raportojnë mediat italiane, 3 kullat e projektuara me nga 40 kate nga arkitekti Valerio Olgiati do të strehojnë një hotel me të paktën 150 dhoma, 100 apartamente me shërbime të hotelit Plein, një vend të madh Phillipp, një restorant japonez Sukaru Ba dhe një klub "Crystal Beach", të gjitha në modelin e testuar tashmë me sukses nga Hoteli Plein i Milanos. Çdo veçori do të mishërojë stilin e jetës Philipp Plein, duke kombinuar dizajnin më të fundit me shërbimin e jashtëzakonshëm.
PROJEKTI ME FOTO:
Projekti pritet të zgjasë 5 vjet, ndërsa hapja është parashikuar që të ndodhë në vitin 2030.
Philipp Plein, CEO i Grupit Plein, shprehu entuziazmin e tij për projektin.
“Ne jemi të emocionuar që sjellim stilin unik të jetesës së markës sonë në këtë projekt të jashtëzakonshëm. Ky partneritet nxjerr në pah fuqinë e markës sonë dhe tërheqjen e saj për audiencën e shquar. Ne mezi presim të krijojmë hapësira që ngritin shërbimin dhe ripërcaktojnë përvojat e klientit. Falenderoj nga zemra Carmine Rotondaro për përpjekjet e jashtëzakonshme në realizimin e këtij bashkëpunimi.”
Carmine Rotondaro, Këshilltar i Biznesit i Grupit Plein, i cili negocioi marrëveshjen me X One, deklaroi se për 'Grupin Plein', kjo marrëveshje përfaqëson një tjetër gur themeli në rrugën e rritjes dhe zhvillimit të markës./ZËRI
