TIRANË- Specialistët e Sektorit për Hetimin e Krimit Ekonomik dhe Financiar në Korçë kanë referuar materialet në Prokurori ndaj Arben Lena, 56 vjeç, me profesion avokat, i cili ndodhet aktualisht në masën e sigurisë “Arrest në burg”.
Sipas hetimeve paraprake, Lena dyshohet se gjatë periudhës 2020-2022 ka përvetësuar shuma të konsiderueshme parash nga llogaria bankare e një shtetasi 70-vjeçar, i cili ndodhet aktualisht në Institucionin e Ekzekutimit të Vendimeve Penale në Shënkoll.
Njoftimi i policisë:
Specialistët e Sektorit për Hetimin e Krimit Ekonomik dhe Financiar referuan materialet në Prokurori, për shtetasin Arben Lena, 56 vjeç, me profesion avokat, aktualisht me masë sigurie “Arrest në burg”, pasi dyshohet se gjatë periudhës 2020-2022, ka tërhequr shuma parash nga llogaria bankare e një 70-vjeçari (aktualisht në IEVP Shënkoll), duke përdorur prokurën që ia ka marrë duke shfrytëzuar besimin dhe gjendjen shëndetësore të tij.
-
Dënohet me 3 vite burg ish-kryetari i dhomës së Avokatisë, Arben Lena
27 Qershor, 17:13 -
-
Kreu i Dhomës së Avokatisë në Korçë, Arben Lena është arrestuar me urdhër të Prokurorisë së Posaçme, që në Janar të vitit 2024, dhe u dënua me 3 vite burg. Lena akuzohet për korrupsion me vlerë 5 mijë euro, i cili mendohet se ishte rryshfet për të ndryshuar masën e sigurisë për të dënuarin për transport të paligjshëm të emigrantëve. Kreu i Dhomës së Avokatisë në Korçë akuzohet se do të ndërhynte në Gjykatën e Apelit Korçë për zbutjen e masës së sigurimit të shtetasit Bledar Kozici. /ZËRI
