vendngjarje
VLORË- Një zjarr i fuqishëm ka shkrumbuar katër betoniere të tonazhit të rëndë brenda një fabrike betoni në Dukat, në pronësi të Blerti Mehillajt. Ngjarja ndodhi mbrëmjen e kaluar, teksa mjetet ishin të parkuara në ambientet e fabrikës.
Dyshohet se zjarri ka qenë i qëllimshëm, pasi sipas burimeve, një person i panjohur dyshohet se i ka spërkatur betoniereve me benzinë dhe më pas ka ndezur flakën.
Policia dhe grupi hetimor janë në vendngjarje dhe po punojnë për të identifikuar autorin dhe për të sqaruar shkaqet e incidentit. Autoritetet bëjnë thirrje për qytetarët që të japin çdo informacion të dobishëm./ZËRI
Poll
