TIRANË-Në dosjen e SPAK, siguruar nga ZËRI thuhet se Adi Çoba për trafikun ndërkombëtar të drogës punon me 'Visin e Pojës' dhe grupin kriminal të lidhur me të. Një bisedë e përgjuar në makinë mes Erigels Presit, Gertin Aliu dhe Genci Telollarit tregon qartë sipas prokurorisë se sa i fuqishëm ishte roli i Elvis Doçit.
Genc Telollari: Po çfarë të thanë, ti me cilin fole?
Gertin Aliu: Ky është ai djali që e nxjerr nga Brindizi me traget, ky punon për ‘Visin e Pojës’
Erigels Presi në një bisedë të zbardhur në tetor 2021, tregon edhe një herë lidhjen e fortë mes ‘Visit të Pojës’ dhe Adi Çobës, që funksionte si ndërmjetës mes grupeve të tjera kriminale.
Erigels Presi: Këtu në Durrës është bërë ku*vë... në çfarë kuptimi... ky është me ata (...) ky nuk sillet kështu si sillet me mua dhe me ty. Me ata ai (ADI) sillet si burrë (...) Tani, këtë punë e bën edhe i shëndoshi (Çoba), është në kontakt me këta (...) në kuptimin që është i lidhur me ta dhe punon me të kuqen. Ndërsa me të bardhën, ti e di shumë mirë që Visi nuk është ke e bardha, apo jo? (...) Ai (ADI-ship.) qëndron me këta për të kuqen, merr edhe diçka tjetër se këta kanë edhe të bardhë (...) duke qenë me ata vepron si ndërmjetës"...
Një moment tjetër është në janar 2022, kur Erigels Presi i thotë Zenit Shtrazas se Ai Çoba i drejtohet Visit të Pojës dhe organizatës së tij për gjetjen dhe blerjen e drogës.
Erigels Presi: Të gjithë e dinë që Adi po punon me VISIN e POJËS (...) ata janë djem të jashtëzakonshëm. E kupton? Duhet më thënë atë që është (...) kanë kapital, nuk mund t'u thuash asgjë. Nuk janë te aksionit, harroje, por kanë kapital (...)
Nga bisedat e zbërthyera nga SKYECC prokuroria ka verifikuar edhe kontakte mes Adi Çobës dhe Elvis Doçit ndërsa në dosje evidentohen disa dhjetëra episode trafiku.
