LEZHË- Një ngjarje e rëndë ndodhi pasditen e kësaj të enjteje, në Shëngjin, ku një 36-vjeçar humbi tragjikisht jetën teksa punonte në një kantier ndërtimi në zonën e Kunës. Dyshohet se ka rënë aksidentalisht nga lartësia e vendit ku do të vendosej ashensori në një pallat në ndërtim dhe për pasojë ka ndërruar jetë. Sakaq, shërbimet e policisë dhe të zjarrfikëses kanë shkuar menjëherë në vendngjarje dhe kanë bërë të mundur nxjerrjen e trupit të viktimës, ndërsa kanë nisur hetimet për nagjrjen e rëndë.
Shëngjin / Informacion paraprak:
Rreth orës 16:30, Salla Operative e DVP Lezhë është njoftuar se, në ambientet e një objekti në ndërtim në Kune–Shëngjin, shtetasi A. Z., 36 vjeç, banues në Pllanë, Lezhë, dyshohet se ka rënë aksidentalisht nga lartësia e vendit ku do të vendosej ashensori dhe, për pasojë, ka humbur jetën.
Shërbimet e Policisë dhe të zjarrfikëses kanë shkuar menjëherë në vendngjarje dhe kanë bërë të mundur nxjerrjen e trupit të viktimës.
Grupi hetimor ndodhet në vendngjarje dhe po punon për sqarimin e plotë të rrethanave dhe dokumentimin me prova ligjore të këtij rasti.
