TIRANË- Autoriteti i Konkurrencës ka nisur një hetim për dy operatorët e vetëm të telefonisë celulare Vodafone dhe One Albania. Pas shumë ankesave dhe "bojkoteve" që qytetarët u kanë bërë këtyre kompanive, tashmë ka një reagim nga institucionet shtetërore. Hetimi është i shtrirë nga data 1 janar 2022 deri në 31 dhjetor 2024. Vendimi për të nisur hetimet u mor në mbledhjen e fundit për muajin janar, më datë 29. E gjitha ka nisur nga ankesat që kanë shkuar tek AK për çmimet e paketave.
"Nga vlerësimi i informacionit gjatë monitorimit, u konstatua se sjellja e ndërmarrjes Vodafone Albania SHA dhe One Albania SHA në tregun me pakicë të shërbimeve celulare mund të përbëjë kufizim të konkurrencës në kuptim të nenit nenit 4 dhe nenit 9 të Ligjit nr. 9121, datë 27.03.2003 “Për mbrojtjen e konkurrencës”,"-bëhet me dije nga Autoriteti i Konkurrencës.
-
-
-
Vodafone dhe ONE "zhvatin" qytetarët
25 Qershor, 17:03 -
VIDEO- Skandali! Dan Hutra, 'imazhi' i ri i Vodafone
17 Qershor, 19:23 -
Njoftimi zyrtar i Autoritetit të Konkurrencës
Vendosen nën hetim paraprak Vodafone Albania SHA dhe One Albania SHA në tregun me pakicë të shërbimeve celulare. Komisioni i Konkurrencës, në mbledhjen e tij më datë 29.01.2025, mori në shqyrtim raportin e Sekretariatit të Konkurrencës për hapjen e procedurës së hetimit parapak ndaj ndërmarrjeve Vodafone Albania SHA dhe One Albania SHA në tregun me pakicë të shërbimeve celulare. Nisur nga disa ankesa të paraqitura pranë Autoritetit të Konkurrencës mbi rritjen e çmimit të paketave me parapagesë nga ndërmarrja Vodafone Albania SHA, si dhe të ankesave në vijim gjatë viti 2024 për ndërmarrjen One Albania SHA, Autoriteti i Konkurrencës në bazë të nenit 28 të Ligjit nr. 9121, datë 28.07.2003 “Për mbrojtjen e konkurrencës”, realizoi një monitorim në këtë treg, i cili konsistoi në vlerësimin e sjelljes së ndërmarrjes Vodafone Albania SHA dhe One Albania SHA.
Nga vlerësimi i informacionit gjatë monitorimit, u konstatua se sjellja e ndërmarrjes Vodafone Albania SHA dhe One Albania SHA në tregun me pakicë të shërbimeve celulare mund të përbëjë kufizim të konkurrencës në kuptim të nenit nenit 4 dhe nenit 9 të Ligjit nr. 9121, datë 27.03.2003 “Për mbrojtjen e konkurrencës”. Tregu i telefonisë celulare ka qënë dhe mbetet një treg në fokus të veçantë të Autoritetit të Konkurrencës me qëllim jo vetëm mbrojtjen e konkurrencës por si rrjedhojë edhe të konsumatorit. Në përfundim, Komisioni i Konkurrencës me Vendimin nr. 1156, datë 29.01.2025, vendosi hapjen e procedurës së hetimit paraprak në tregun me pakicë të shërbimeve celulare ndaj ndërmarrjeve Vodafone Albania SHA dhe One Albania SHA.
Ky hetim do të përfshijë periudhën kohore nga 1 janar 2022 deri në 31 dhjetor 2024.
DOKUMENTI I PLOTË:
Të dy operatorët e vënë në hetim prej kohësh janë denoncuar nga qytetarët për mosrespektim të paketave, sidomos të paketave të internetit, por zërat e tyre nuk janë dëgjuar. Denoncimet e tyre në media kanë mjaftuar me aq. Po ashtu, për të ndërgjegjësuar dy kompanitë e vetme në treg, qytetarët janë bashkuar disa herë për të bojkotuar kompanitë duke mos rimbushur ofertën mujore, por edhe këto përpjekje nuk sollën asnjë ndryshim./ZËRI
