SHKODËR- Për të katërtën ditë me radhë, vijon zjarri në landfillin e Bushatit, duke krijuar një situatë shqetësuese për zonën përreth. Të favorizuara nga era, mbeturinat po vazhdojnë të digjen pavarësisht përpjekjeve të forcave zjarrfikëse, ndërsa as reshjet e shiut dhe as zjarrfikëset nuk arritën të shuajnë flakët.
Visualizza questo post su Instagram
Tymi i dendur dhe ndotja e ajrit po ndikojnë drejtpërdrejt në jetën e banorëve të zonës. Banorë të disa fshatrave të Vaut të Dejës, Shkodrës e Lezhës, prej ditësh janë nën 'renë' e tymit që sjellë zjarri në landfillin e Bushatit.
Për shkak të shtresave të depozitimit të mbeturinave, dyshohet se zjarri ka depërtuar në thellësi, duke e bërë më të vështirë fikjen e tij. Ndërkohë, mësohet se edhe sot forcat zjarrfikëse vijojnë punën për izolimin e vatrave dhe shmangien e përhapjes së mëtejshme të flakëve. Zjarri në landfill ka nisur që prej datës 19 prill./ZËRI
