TIRANË-Detaje të reja janë zbardhur nga operacioni i ndërmarrë në Tiranë, ku tre persona u arrestuan për akuzën e trafikut të armëve. Grupi kriminal i përbërë Artur Brahimaj, Ilir Zyberi dhe Artur Rushiti nga ishte i përfshirë në trafikun e armëve të zjarrit prej disa kohësh, ndërsa një armë shitej 700-800 euro. Armët e sekuestruara dyshohet se i kanë sjell nga Fieri dhe do t’ju shiteshin grupeve kriminale, krysisht në zonën Tufinë dhe Fresk.
Të tre të arrestuarit janë emra të njohur në botën e krimit me precedentë penale, të dënuar më herët për vrasje, plagosje dhe drogë. Mes të arrestuarve pikas emri i Ilir Zyberit. Ky i fundit më herët mbante mbiemrin Avdillari, por e ka ndryshuar atë pas martese.
Ai është vëllai i Fatmir Avdillarit, i njohur si Xubi, i cili u aksidentua për vdekje në bulevardin “Migjeni” në 2021-in. I arrestuar sot për trafik armësh, Zyberi bashkë me vëllezërit e tij, Nazmi e Fatmir Avdillari, ishin anëtarë të bandës famëkeqe të Yzberishtit. Ai ishte dënuar për vrasjen e biznesmenit italian Stefano Rossi. Vrasja u krye më 27 janar të vitit 1998, në momentin kur Rossi kishte tërhequr 30 milionë lireta nga banka dhe u ekzekutua vetëm 100 metra larg fabrikës së tij. Zyberi ka qenë i dyshuar për të paktën 20 vepra të rënda penale.
Artur Brahimaj rezulton i arrestuar në 2022 për trafik droge, kryesisht në rrugën "5 Maji", në zonën e quajtur "Xhamlliku" dhe në zonën e Selvisë, në Tiranë. Ndërkohë Artur Rushiti ka qenë më herët i denuarpër plagosje me dashje./ZËRI
