KUKËS- Dy vëllezërit, Fatri dhe Ndricim Iseberi, janë vetëdorëzuar në polici për plosjen e dy personave në Kukës, ngjarje e ndodhur ditën e djeshme. Sipas njoftimit të bluve, dy vëllezërisht janë konfliktuar fizikisht me 65-vjeçarin Sadik Kapica, duke e goditur me qytën e pistoletës, ndërsa kanë plagosur rëndë edhe 36-vjeçarin Amarildo cena. Arma e zjarrit e dyshuar përdorur në ngjarje është sekuestruar në cilësinë e provës materiale.
Njoftimi i policisë:
Policia e Kukësit ka vijuar veprimet hetimore dhe kontrollet për dokumentimin e rrethanave të ngjarjes së ndodhur ditën e djeshme dhe për kapjen e 2 autorëve të dyshuar të shpallur në kërkim.
Si rezultat i kontrolleve të Policisë dhe nga pamundësia për t’u larguar, 2 vëllezërit e shpallur në kërkim për këtë ngjarje, janë vetëdorëzuar.
Në vijim të veprimeve procedurale, pas komunikimit me prokurorin e gatshëm, specialistët për Hetimin e Krimeve të Rënda arrestuan shtetasin N. I., 38 vjeç, dhe referuan materialet në Prokurori ku filloi procedimi në gjendje të lirë për vëllanë e tij, shtetasin F. I., 39 vjeç, banues në Kodër Lumë.
Këta dy shtetas janë konfliktuar fizikisht me shtetasin S. K., 65 vjeç, për motive të dobëta, dje, në vendin e quajtur “Dëshmorët”. Gjatë konfliktit, shtetasi N. I. e ka goditur me qytën e pistoletës shtetasin S. K., si dhe ka plagosur rëndë nga pakujdesia, shtetasin A. C., 36 vjeç, i cili nuk ishte i përfshirë në konflikt.
Në cilësinë e provës materiale u sekuestrua arma e zjarrit e dyshuar përdorur në ngjarje.
Materialet procedurale shtesë iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës.
Ditën e djeshme u raportuan të shtëna me armë pasditen e djeshme në Kukës, ku si pasojë dy persona kanë mbetur të plagosur. Pas ngjarjes, dy autorët u shpallën në kërkim nga policia, ndërsa u vetëdorëzuan ditën e sotme./ZËRI
