TIRANË-Vëllezërit administratorë të 2 qendrave masazhi, dërgohen në gjyq nga Prokuroria Tiranë për veprën penale ‘Pastrimi produkteve të veprës penale ose veprimtarisë kriminale’. Mario dhe Andi Roshi, administratorë të 2 qendrave masazhi, rekrutonin femra për t’i shfrytëzuar për prostitucion. Po ashtu dy vëllezërve u janë sekuestruar edhe pasuritë, pasi organi i akuzes thotë se nuk justifikohen nga të ardhurat dhe dyshohet se rrjedhin nga veprimtaritë kriminale.
NJOFTIMI:
Vëllezërit administratorë të 2 qendrave masazhi, dërgohen në gjyq nga Prokuroria Tiranë për veprën penale ‘Pastrimi produkteve të veprës penale ose veprimtarisë kriminale’
Prokuroria pranë Gjykatës së Shkallës së Parë të Juridiksionit të Përgjithshëm Tiranë përfundoi hetimet dhe dërgon në gjyq vëllezërit M.R. dhe A.R. nën akuzë për veprën penale “Pastrimi i produkteve të veprës penale ose veprimtarisë kriminale” e kryer në bashkëpunim, e parashikuar nga neni 287 i Kodit Penal.
Në vijim të hetimeve të procedimit penal nr.1789 të vitit 2021, rezulton se këta shtetas, janë arrestuar si administratorë të qendrave të masazhit, pasi rekrutonin femra për t’i punësuar si masazhatore dhe i detyronin të kryenin shërbime seksuale kundrejt pagesës dhe përfitimet i ndanin me njëri – tjetrin.
Nga hetimet prokuroria provoi se pasuritë e tyre, nuk justifikohen nga të ardhurat dhe dyshohet se rrjedhin nga veprimtaritë kriminale. Për këtë arsye me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm Tiranë, u sekuestruan pasuritë e mëposhtme të cilat nuk justifikohen nga të ardhuar e ligjshme të siguruara ndër vite:
‘Njësi’, sipërfaqe 34m2;
‘Apartament’ me sipërfaqe 106.4m2, rruga ‘Hoxha Tahsin’;
‘Post Parkimi’ me sipërfaqe 41.2 m2 në Tiranë; dhe
Tre automjeteve tip ‘Benz’, ‘Volksëagen’ dhe ‘Scoda Octava’.
Për sa më sipër, Prokuroria pranë Gjykatës së Shkallës së Parë të Juridiksionit të Përgjithshëm Tiranë, kërkoi dërgimin në gjyq për veprën penale “Pastrimi i produkteve të veprës penale ose veprimtarisë kriminale” e kryer në bashkëpunim, e parashikuar nga neni 287 i Kodit Penal për dy të pandehurit.
Andi e Mario Roshi u arrestuan në qershor të viti 2020. Andi e Mario Roshi pasi rekrutonin femra për t’i punësuar si masazhatore, i detyronin që të kryenin shërbime seksuale kundrejt pagesës. Ndërkohë të ardhurat i investonin në pasuri të luajtshme dhe të paluajtshme, të cilat ishin në emër të tyre por dhe të prindërve të tyre./ZËRI
