TIRANË- Ka mbërritur në mëngjesin e sotëm në Pallatin e Kongreseve arkëmorti me trupin e pajetë të ish-kryeministrit Fatos Nano, aty ku po zhvillohen homazhet zyrtare të lamtumirës. Në hollin e Pallatit është vendosur salla e nderimit, ku familjarë, miq të afërt dhe figura të njohura të politikës shqiptare po i japin lamtumirën e fundit një prej personaliteteve më të rëndësishme të tranzicionit demokratik.
View this post on Instagram
Në ceremoninë mortore marrin pjesë bashkëshortja e të ndjerit, Xhoana Nano, djali Sokoli dhe ish-bashkëshortja Rexhina. Homazhet do të vijojnë deri në orën 11:00, ndërsa më pas do të mbahet ceremonia shtetërore e nderimit me praninë e drejtuesve më të lartë të shtetit dhe të trupit diplomatik.
Trupi i Fatos Nanos do të niset në orën 12:05 nga Pallati i Kongreseve për në Sharrë. Familja ka kërkuar të kryejë në shtëpi edhe shërbesën e ritualit ortodoks për Fatos Nanon, në një ceremoni private familjare./ZËRI
