DURRËS-Një plagosje me armë zjarri është raportuar pasditen e sotme në Durrës. Bëhet me dije se Mateo Duma 33-vjeç është paraqitur në urgjencën e spitalit të Durrësit për mjekim pasi ka marrë një plagë me armë zjarri në këmbë. I plagosuri ende nuk ka treguar se kush e ka qëlluar apo për vendndodhjen e ngjarjes. Sipas burimeve, në këto kushte Duma rrezikon të procedohet penalisht për moskallëzim krimi.
Njoftimi i policisë:
Më datë 03.11.2025, rreth orës 16:20, ka shkuar për ndihmë mjekësore në urgjencën e Spitalit të Durrësit, jashtë rrezikut për jetën, shtetasi M. D., 31 vjeç, banues në Durrës, i cili dyshohet se është dëmtuar në këmbë (në zonën e thembrës), me armë zjarri, në rrethana ende të paqarta.
Është ngritur grupi hetimor dhe, nën drejtimin e Prokurorisë, po punohet për sqarimin e plotë të rrethanave të rastit.
