KUKËS- Një 22-vjeçar është vënë në pranga nga policia në Kukës, pasi po trafikonte një 14-vjeçare me qëllim trafikimin e saj drejt Kosovës.
Shërbimet e Policisë Kufitare në Morinë, në vijim të punës për goditjen e paligjshmërive në kufi, bazuar dhe në analizën e riskut, kanë ndaluar në dalje të RSh-së, automjetin me drejtues shtetasin E. G., 22 vjeç, i cili udhëtonte me shtetasin A. K., 18 vjeç, dhe me një shtetase 14 vjeçe.
Nga hetimet dyshohet se shtetasi E. G. po tentonte ta kalonte në kufi, 14-vjeçaren, me qëllim trafikimin e saj në Kosovë.
Në vijim të veprimeve, specialistët për Hetimin e Trafiqeve të Paligjshme arrestuan në flagrancë shtetasit:
E. G., 22 vjeç, banues në Berat, për veprën penale”Trafikimi i të miturve”;
A. K., 18 vjeç, banues në Berat, për veprën penale “Moskallëzimi i krimit”.
Më datë 28.09.2025, në DVP Durrës, kanë kallëzuar familjarët e 14-vjeçares, për largimin e saj nga banesa.
Vijojnë hetimet për rastin.
Materialet procedurale iu referuan Prokurorisë, për veprime të mëtejshme.
