TIRANË- Gazetari Artan Hoxha ka zbuluar identitetin e të riut shqiptar që u gjet i varur në Belgjikë, ndërsa mediat vendase hidhnin dyshime se mënyra e ekzekutimit të tij, është e ngjashme me atë që përdorin kartelet meksikane të drogës. Hoxha tha në ‘Syri tv’, se viktima është 28-vjeçari Bekim Halilaj nga Bicaj i Kukësit.
Sipas Hoxhës viktima ishte pjesë e një grupi që merret me trafikun e kokainës dhe vrasja e tij dyshohet se është kryer për shkak të humbjes së një ngarkese të madhe kokaine. Viktima është rrëmbyer, është ekzekutuar dhe varur atje jo vetëm si mesazh për kundërshtarët por dhe si shembull që nëse do të tentoni që të na dëmtoni.
Çfarë tha Artan Hoxha?
Është një ngjarje shumë e rëndë. Shumë e rëndë dhe për shkak të viktimës por dhe simbolikës. Është një ngjarje që në fillim u dyshua si e ngjashme me ato të karteleve Sinaloa, por …
Ky është Bekim Halilaj nga Bicaj i Kukësit, 28-vjeç, është gjetur i varur në një tabelë në unazën e madhe të Brukselit. U aludua e ngjashme me ato por dukej e çuditshme në Europë të kishte vajtur konflikti deri në atë masë. Sepse në meksikë nisën ti varin.
Ky është varur në kryeqytetin e BE-së. Ai ka qëndruar për orë të tëra, dhe njerëzit kanë kujtuar fillimisht se ishin zbukurimet për festat e Halluin. Më pas është bërë verifikimi. Çështja e tij është në hetim. Unë identifikimin e kam bërë në rrethana të tjera.
Pritet të vijë kufoma. Familja e tij jeton në fshatin Bicaj, Babai është invalid. Një motër e ka me probleme. Ka ikur atje për një jetë më të mirë. Fillimisht ka qenë në Angli.
Grupi i tij u kap në 2017. Në foto janë 4. Noi Muçmata, Fitim Halilaj dhe Tomas Hela dhe Bekim Halilaj i cili në foto ka qenë 21 vjeç.
Kreu i grupit u kap 2 vite më vonë, në Belgjikë dhe u ekstradua në Angli.
Personi që e drejtonte këtë grup u largua. Këtyre në fillim iu gjet një ngarkesë në një furgon. Aty ka nisur gjurmimi i tyre. Kanë qenë shpërndarës. Sasia që iu kap llogaritej tek 4 mln paund. Pjesëtarëve të tij pak më vonë iu kapën 30 kg kokainë.
Këta ishin shpërndarës. Kreu i grupit në atë kohë nuk u kap. Shkoi në Belgjikë ku u kap në 4 prill 2019. U ekstradua në Angli.
Në fotot që ishin të katërt në gjykatë. Viktima i fundit është dënuar me 7 vite burg për trafik kokaine. Ka dalë nga burgu. Ata qëndronin pa leje në Angli. I kanë depërtuar nga Anglia. Janë kthyer dhe kanë vijuar aktivitetin në Belgjikë.
Ngjarja e fundit është se ka të bëjë me trafikun e kokainës. Një konflikt mes grupeve të mëdha, sepse dhe kreu i grupit kur iku për herë të parë vajti në Antwerp kryeqyteti i kokainës që quhet, nga ish kryeqyteti i diamanteve dikur.
Viktima është rrëmbyer, është ekzekutuar dhe varur atje jo vetëm si mesazh për kundërshtarët, por dhe si shembull që nëse do të tentoni që të na dëmtoni.
Dëmi që mendohet që është bërë… bëhet fjalë për një ngarkesë të madhe të kokainës që ka humbur.
Mesa duket ata nuk kanë arritur të kapin personat përgjegjës por e dinë që në këte rreth njerëzish kishte të bënte dhe ky. E mesa duket i ndjeri ka pësuar pasojat e të gjithë asaj që ka ndodhur.
Është e pabesueshme që në zemrën e Europës mund të përfundojë si në kartelet meksikane. Kjo dëshmon përmasat e frikshme që ka marrë ky fenomen.
Çfarë ndodhi me të riun shqiptar
Një ngjarje e rëndë u regjistruar fundjavën që lamë pas në lagjen Anderlecht në Bruksel, ku u gjet i varur me kabllo elektrike trupi i një shtetasi shqiptar. Viktima, 28 vjeç, u gjet pranë një qendre tregtare, në një zonë me bimësi, larg vendbanimit të tij. Autoritetet belge po hetojnë mbi tre pista të mundshme: përfshirja në një konflikt me persona nga bota e krimit, përfshirja në trafik droge, si dhe vetëvrasja. Pista e vetëvrasjes po merret seriozisht nga hetuesit, pasi disa familjarë të shqiptarit kanë marrë një mesazh nga telefoni i tij pak para se të gjendej trupi i tij, ku shkruhej: "Unë po iki në botën tjetër." Megjithatë, mënyra e pazakontë e gjetjes së trupit, i varur në një zonë publike dhe me kabllo elektrike, ka ngritur dyshime mbi një skenar të mundshëm vrasjeje apo ekzekutimi. Autoritetet belge pritet të dalin së shpejti me një përfundim zyrtar mbi shkakun e vdekjes./ZËRI
