SHIJAK- Flakët e zjarrit kanë përfshirë katin e dytë të Komisariatit të Policisë Shijak. Zjarri ka nisur rreth orës 18:30, konkretisht në zyrën e ndihmës/specialistit të rendit. Sipas njoftimit të Policisë, shërbimet zjarrfikëse ndërhynë menjëherë, duke bërë të mundur fikjen e zjarrit. Dyshohet se zjarri ka rënë si pasojë e një shkëndije elektrike.
Njoftimi i Policisë:
Shijak /Informacion paraprak
Rreth orës 18;30, në katin e dytë të Komisariatit të Policisë Shijak, në zyrën e ndihmës/specialistit të rendit ka rënë zjarr.
Menjëherë kanë ndërhyrë shërbimet zjarrfikëse duke bërë të mundur fikjen e zjarrit.
Nga veprimet e para hetimore paraprakisht dyshohet se zjarri ka rënë si pasojë e një shkëndije elektrike.
Grupi hetimor dhe Agjencia Rajonale e Mbikëqyrjes Policore po punojnë për sqarimin e rrethanave dhe shkakut të saktë të rënies së zjarrit.
