ITALI- Henri Musaj, 40-vjeçari shqiptar, qarkullonte me një Jaguar...Por përfundoi në pranga së bashku me vëllezërit Marsel dhe Klaudio Cano, 38 dhe 35 vjeç. Të tre, ishin në krye të organizatës kriminale për trafikun e kokainës. Aksioni i ndërmarrë nga Policia italiane dërgoi në burg 9 persona, 1 në arrest shtëpie dhe 4 me detyrim paraqitje.
Ata planifikonin të blinin restorante
Prokurori Roberto Ceroni zbuloi se organizata vepronte në Itali prej vitesh dhe ia kishte dalë që të qëndronte në hijë pasi ishte shumë e kujdesshme ndaj ekspozimit, por në të njëjtën kohë shisnin shumë kilogramë kokainë.
“Babuç nëse je inteligjent në Itali fiton para dhe askush nuk thotë asgjë,”- thotë në një përgjim Marsel Cano, i cili planifikoi të investonte paratë që kishte fituar në mënyrë të paligjshme duke blerë restorante në Bolonjë dhe në Albany.
Të ardhurat dërgohen në Shqipëri me autobus
Paratë që organizata mblodhi duke shitur kokainë u dërguan me autobus në Shqipëri. Flasim për shifra 50-60 mijë euro. Brenda 2 viteve përgjime, policët italiane kanë dokumentuar rreth 70 episode shitjesh, nga disa gramë deri në disa kilogramë, në total 70 kg kokainë.
Grupit iu sekuestruan të gjitha fitimet. Iu sekuestruan automjete, katër prona dhe 11 llogari bankare, në të cilat u gjetën dy milionë euro.
Dyqani përreth spitalit
Grupi kishte "një mori bazash logjistike për ruajtjen, paketimin dhe klasifikimin e lëndëve narkotike. Një prej tyre ishte në rrethinat e spitalit Sant'Orsola. Atje në vitin 2022 u vunë re disa transferta pasurish midis vëllezërve shqiptarë Ali dhe Elton Isaj dhe Tefik Cano, të tre ishin "korrierë të palodhur" të drogës. Elton Isaj, paralelisht ishte dhe mjek, punonte në Sant'Orsola, por u arratis për në Shqipëri kur një nga shpërndarësit u arrestua. Megjithatë, që nga 5 korriku ai është gjithashtu në burg. Për blerësit, dy vëllezërit Isaj ishin ata që mund të mburreshin me njohuritë që kishin për furnizimin me kokainë.
Paralelisht me aktivitetin e trafikut të drogës, hetimet zbuluan se Musaj drejtonte një rrjet prostitucioni që shfrytëzonte të rejat rumune, përfshirë edhe partneren e tij. Katër prej të dyshuarve u ofronin mbrojtje grave, i shoqëronin “në vendin e punës”./ZËRI
