TIRANË-Pavarësisht se jemi në pranverë po përjetojmë ditë dimri. Një ditë pas reshjeve të borës në veri dhe juglindje të venit, situata është përmirësuar. Dëborë i ka lënë venid ngricës dhe temperaturave të ulëta.
Në qarkun e Korçës bëhet e ditur se borëpastruestet kanë qenë në terren për menaxhimin e situatës. Aktualisht në akset kryesore nacionale e turistike, qarkullimi vijon normalisht. Nga Bashkitë vazhdon puna për hapjen e rrugëve dytësore e lidhëse dhe të shesheve në qendrat e qyteteve, nga ku gjithashtu nuk raportohen problematika.
Si rezultat e erës ka ndërprerje të përkohshme të energjisë elektrike në Njësinë Administrative Udënisht e Buçimas, Bashkia Pogradec, fshati Orman-Çiflig, Njësia Admin. Bulgarec dhe fshati Dardhë në Njësi. Admin. Mollaj Bashkia Korçë, si dhe në fshatrat Dolenac, Mjaltas, Besmirë të njës. Adm.Gorë, Bashkia Maliq. Pa energji elektrike janë edhe 12 fshatrat e Njës.Admin. Proptisht të cilët marrin energji elektrike nga Agjenc.Elekt. Përrenjas.
Temperaturat në mëngjes në Kukës kanë zbritur në minus 4 gradë celcius, pa shkaktuar probleme në qarkullimin e mjeteve. Reshjet e borës në lartësi mbi 600 metër kanë shkuar deri në 20 cm.
Nga Komisariati i Policisë Pukë, në disa segmente të rrugës së Iballës, situata paraqitet e rënduar për shkak të sasive të mëdha të dëborës në rrugë.
Nga Bashkia Shkodër, nuk raportohen probleme momentalisht. Aktualisht, rruga Bogë – Theth është e hapur.
Nga Bashkia Malësi e Madhe, nuk raportohen probleme të EC.
Nga Bashkia Vau i Dejës, nuk raportohen probleme të EC.
Nga Bashkia Fushë Arrëz, në territorin e bashkisë reshjet e dëborës kanë pushuar dhe trashësia e saj kalon 30 cm.
Rrugët nacionale janë të hapura dhe qarkullimi kryhet për automjete të pajisura me zinxhirë. Në rrugët rurale po punohet për pastrimin dhe kthimin e tyre në normalitet./ZËRI
