BRITANI- Një emigrant shqiptar, Gazmend Jaupaj, i burgosur për kultivim kanabisi në Britani i ka shpëtuar deportimit sepse do të kishte shkelur të drejtat e njeriut të gruas së tij nëse çifti do të detyrohej të zgjidhte mes transferimit në Shqipëri ose ndarjes, ka vendosur një gjykatë imigracioni. Gjyqtarët vendosën se do të ishte “tepër e ashpër” që gruaja filipinase e = Gazmend Jaupajt të ndahej prej tij ose të detyrohej të transferohej në Shqipëri me të nëse ai deportohej.
Ajo hodhi poshtë vendimin e Home Office për të dëbuar Jaupaj, 38 vjeç, me arsyetimin se një veprim i tillë do të ishte një shkelje e të drejtave të njeriut të çiftit. Neni 8 i Konventës Evropiane për të Drejtat e Njeriut përcakton se çdokush ka të drejtën e respektimit të jetës së tij private dhe familjare.
“Efekti i dëbimit të Jaupajt mbi gruan e tij do të ishte tepër i ashpër. Nuk është një opsion realist të pritet që ajo të zhvendoset në Shqipëri dhe ndarja nga burri i saj ka të ngjarë të shkaktojë dëm të vërtetë në shëndetin e saj mendor,” thuhej në vendimin e gjykatës.
Jaupaj hyri ilegalisht në MB më 1 shtator 2012 dhe u takua me gruan e tij në shkurt 2018. Ata u martuan më 17 prill 2021.
Ai kultivoi 600 bimë marihuanë
Gazmend Jaupaj u arrestua me dyshimin për vepra droge pasi policia zbuloi se ai po kultivonte 600 bimë marihuanë në një shtëpi në fshatin Leicestershire të Thurmaston. Jaupaj, vëllai i tij, Naimi dhe një burrë i tretë kishin tërhequr vëmendjen e furnizuesit të tyre të energjisë elektrike për shkak të anashkalimit të matësit. Oficerët e policisë të thirrur për të hetuar, nuk mundën fillimisht të hynin në shtëpi, sepse ajo kishte një derë shumë të fortifikuar.
Ata tentua fillimisht të arratisen, por u kapën. Gjatë kontrollit, Policia gjeti 600 bimë marijuanë, të afta për të prodhuar rreth 33 kg (72.6 lbs) kanabis me një vlerë në rrugë deri në 1 milion paund. Oficerët gjetën gjithashtu një ngarkesë 15 kg që ishte paketuar me vakum, gati për t'u marrë. Kjo do të kishte një vlerë në ‘treg’ prej rreth 500,000 £. Jaupaj u dënua me dy vjet burg. Një urdhër i mëvonshëm dëbimi i bërë më 13 shtator u kundërshtua nga avokatët e tij./ZËRI
