FIER- Një edukatore 44-vjeçare në një kopsht shtetëror në Fier dyshohet se ka keqtrajtuar një fëmijë 4-vjeçar, ndërsa nëna e të miturit dyshohet se ka ushtruar dhunë ndaj saj.
Për ngjarjen Policia ka proceduar penalisht të dyja gratë. Sipas njoftimit zyrtar edukatorja me inicialet E. P., 44 vjeçe dhe nëna e fëmijës E. L. 29 vjeçe janë të dyja banuese në Fier.
Nga hetimet paraprake dyshohet se keqtrajtimi i fëmijës ka ndodhur brenda ambienteve të kopshtit, ndërsa nëna e tij dyshohet se ka reaguar duke dhunuar edukatoren. Hetimet vijojnë për të sqaruar rrethanat e ngjarjes.
Njoftimi i plotë i policisë
"Specialistët për Hetimin e Krimit në Komisariatin e Policisë Fier proceduan penalisht shtetaset E. P., 44 vjeçe, dhe E. L., 29 vjeçe, të dyja banuese në Fier, pasi 44-vjeçarja, edukatore në një kopsht shtetëror, dyshohet se ka keqtrajtuar në kopsht fëmijën 4-vjeçar të 29-vjeçares, ndërsa kjo e fundit dyshohet se ka ushtruar dhunë ndaj edukatores"./ZËRI
