SARANDË-Një punëtor 62-vjeçar është plagosur rëndë teksa punonte në një kantier ndërtimi. Servet Ziflaj ka rënë nga lartësia teksa punonte dhe si pasojë e plagëve të rënda është nisur me helikopter drejt spitalit të Traumës në Tiranë.
Ngjarja raportohet të ketë ndodhur një ditë më parë (1 qershor), ku fillimisht 62-vjeçari është paraqitur në spitalin e Sarandës. Fillimisht ai ka qenë në gjendje të mirë shëndetësore, por ditën e sotme ka rënë në gjendje koma.
Njoftimi i policisë:
Sot, në lagjen “Nr. 1”, dyshohet se gjatë kryerjes së disa punimeve (lyerje) në katin e parë të një pallati, është rrëzuar aksidentalisht shtetasi S. Z., 62 vjeç, i cili aktualisht ndodhet në spital, nën kujdesin e mjekëve. Grupi hetimor po punon për sqarimin e plotë të rrethanave të ngjarjes.
Ky nuk është rasti i vetëm, pasi brenda muajit maj 3 persona humbën jetën nga askidnetent në kantierër e ndërtimit. Ky është aksidenti i katërt brenda 30 ditëve që shënohet në kantiere ndërtimi në Shqipëri.
/ZËRI
