VLORË- Flotilja “Global Sumud” ka mbërritur në portin e Vlorës, ku në bord ndodhen aktivistë italianë, ekspertë të mjedisit, gazetarë dhe pjesëtarë të diasporës shqiptare, mes tyre edhe pasardhës të shqiptarëve që u larguan 35 vite më parë, pasi u nis nga Italia drejt Shqipërisë në kuadër të një misioni solidariteti me protestën e “Revolucionit të Flamingove”.
Aktivistë italianë, gazetarë, ekspertë të mjedisit dhe pjesëtarë të diasporës shqiptare kanë ardhur në Vlorë për të shprehur kundërshtimin ndaj projekteve turistike të parashikuara në zonën e Sazanit dhe Zvërnecit, duke kërkuar mbrojtjen e mjedisit dhe përfshirjen e komunitetit në vendimmarrje.
Mbërritja e flotiljes u shoqërua me pankarta dhe flamuj me flamingo, simbol i protestës që prej javësh kundërshton zhvillimet turistike në këtë zonë.
Sot 'Flotilja Globale Sumud' do të niset nga porti i Brindisit për në ishullin e Sazanit, në Shqipëri, për t'u bashkuar me mobilizimin kundër projektit për të transformuar ishullin dhe bregdetin e afërt të Zvërnecit në një destinacion turistik luksoz të lidhur me Jared Kushner, dhëndrin e Presidentit të SHBA-së Donald Trump. Mbërritja e anijes ka një vlerë historike, ku 35 vite më parë po në muajin gusht të vitit 1991 anija “Vlora”, e cila u nis nga Durrësi me rreth 20 mijë shqiptarë në bord, u shfaq në portin e Barit. Edhe sot e kësaj dite, konsiderohet mrekulli se si anija arriti deri në brigjet italiane me atë mbipopullim./ZËRI
