TIRANË – Policia ka arrestuar një 34-vjeçar dhe ka proceduar bashkëpunëtorin e tij, pasi së bashku, kanë goditur me grushte një polic, që ishte jashtë shërbimit.
Të rinjtë, pasi kanë dhunuar efektivin jashtë shërbimit, i kanë marrë armën dhe janë larguar.
34-vjeçari më pas u vetëdorëzua në polici, ndërsa ka dorëzuar edhe armën e policit të dhunuar. Bashkëpunëtori i tij, 33-vjeçar u procedua në gjendje të lirë.
Njoftimi i policisë:
Tiranë
Specialistët për Hetimin e Krimeve të Komisariatit të Policisë Nr. 6 arrestuan shtetasin E. T., 34 vjeç, banues në Tiranë, si dhe proceduan penalisht në gjendje të lirë shtetasin R. N., 33 vjeç, banues në Kamëz.
Këta shtetas, mbrëmjen e djeshme, rreth orës 23:00, në rrugën "Foto Xhavella", dyshohet se si pasojë e një konflikti të çastit, janë konfliktuar dhe kanë goditur me grushte një shtetas, (punonjës Policie jashtë shërbimit), i kanë marrë armën e shërbimit, dhe më pas janë larguar.
34-vjeçari është vetëdorëzuar më pas në Polici, ku ka dorëzuar dhe armën e punonjësit të Policisë.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale./Zëri.ai/
