TIRANË- Policia ka zbardhur ngjarjen e ndodhur rreth dy javë më parë në Tiranë, ku u dogj një makinë në zonën e Astirit, në pronësi të një gruaje. Ngjarja e cila ishte raportuar si aksidentale u zbulua nga kqyrja e kamerave të sigurisë, të cilat kanë pikasur të gjitha lëvizjet e autorëve, të cilët janë me banim në Maqedoninë e Veriut. Sipas policisë djegia e makinës ka ndodhur pas një sherri me motive banale, mes dy shtetasve nga Maqedonia, dhe pronares së mjetit.
Njoftimi i policisë:
Tiranë/Finalizohet operacioni policor i koduar "Fire", nga Komisariati i Policisë Nr. 6.
Zbardhet dhe dokumentohet, me prova ligjore, djegia e një automjeti në zonën e Unazës së Re, e cila fillimisht u raportua si ngjarje aksidentale.
Shpallen në kërkim dy shtetas nga Maqedonia e Veriut, si autorë të dyshuar të kësaj ngjarje.
Shërbimet e Komisariatit të Policisë Nr. 6, në vijim të veprimeve hetimore të thelluara për një djegie automjeti të ndodhur më datë 04.01.2024, në rrugën "Astrit Losha", e cila fillimisht u raportua si ngjarje aksdentale, bazuar dhe në inteligjencën policore, kanë organizuar dhe finalizuar operacionin policor të koduar "Fire".
Në kuadër të tij u bë shpallja në kërkim e shtetasve F. T., 37 vjeç, dhe M. S., 27 vjeç, të dy banues në Maqedoninë e Veriut.
Nga veprimeve hetimore të kryera ka rezultuar se këta shtetas, në bashkëpunim me njëri-tjetrin, më datë 04.01.2024, në rrugën "Astrit Losha", për motive të dobëta, kanë djegur automjetin e shtetases Xh. T.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./ZËRI
